Arritje të rëndësishme janë shënuar ndër vite në jetën politike, ekonomike, sociale dhe shoqërore për gratë dhe vajzat. Shumë vajza të reja dhe gra na kanë bërë krenarë/krenare me talentin e tyre në shkencë, art e kulturë apo kanë treguar rezultate të larta në fusha të tjera të cilat tradicionalisht mbeten domen i burrave. Shumë gra e vajza të tjera janë shembull frymëzimi për përkushtimin dhe kontributin në botën e punës, komunitet e familje.

Referuar Botimit “Burra dhe Gra në Shqipëri”, Indeksi i Pabarazisë Gjinore për vitin 2022 në Shqipëri është ulur në 0,06 nga 0,09 që shënonte një vit më pare. Kjo tregon një humbje në zhvillimin njerëzor si rezultat i pabarazisë gjinore prej 6,0 %.