Avokatja e Popullit Erinda Ballanca priti sot në një takim Komisionerin e Lartë të OSBE-së për Pakicat Kombëtare, Lamberto Zannieri.

Takimi u organizua përmes Ministrisë për Evropën dhe Punët e Jashtme në kuadrin e një vizite që po zhvillon në Shqipëri një delegacion i Komisariatit të OSBE për pakicat kombëtare të kryesuar nga z.Zannieri.

Takimi u fokusua në gjendjen e pakicave kombëtare në Shqipëri dhe në Ballkan.

Avokatja e Popullit e inkurajoi zyrën e Komisionerit të Lartë për Pakicat për angazhimin në realizimin e objektivave në lidhje me çështje të mbetura pezull rreth situatës së minoriteteve në Ballkan.