Gjuha e urrejtjes në mediat sociale po prek më rëndë të rinjtë dhe komunitetet në nevojë. 

Avokati i Popullit, z. Endrit Shabani, e ngriti këtë shqetësim në takimin me Komisioneren e re për Mbrojtjen nga Diskriminimi, znj. Genta Tafa (Bungo).

"Mbrojtja nga diskriminimi dhe mbrojtja e të drejtave të njeriut janë e njëjta luftë. Ne do ta bëjmë bashkë" -tha Z. Shabani

Të dyja institucionet do të koordinojnë punën në kuadër të Aleancës kundër Gjuhës së Urrejtjes, me fokus prezencën në territor dhe afërsinë me qytetarin.

Z. Shabani i uroi suksese Komisioneres Tafa (Bungo) në detyrën e re dhe ofroi mbështetjen e plotë institucionale edhe përmes zyrave rajonale të Avokatit të Popullit.