I

nstitucioni i Avokatit të Popullit zhvilloi sot një Ditë të Hapur në Bashkinë e Kukësit. Komisioneri ynë Besnik Deda dhe zëvendëskryetari i Bashkisë Abdulla Domi dëgjuan nga afër banorët, përfaqësuesit e shoqërisë civile dhe autoritetet vendore e qendrore, duke ofruar orientim dhe këshillim ligjor.

Problematikat kryesore të ngritura nga komuniteti ishin:

• Pronat e familjeve të përmbytura nga liqeni dhe dokumentacionin e tyre
• Proceset gjyqësore të tejzgjatura që vonojnë drejtësinë për qytetarët
• Mungesa e konsultimit publik dhe e transparencës për ndërtimin e një landfilli
• Kriteret skualifikuese për ndihmën ekonomike dhe mbështetjen sociale
• Vështirësitë e personave me aftësi të kufizuara të përhershme për t'u paraqitur fizikisht në komisionin qendror në Tiranë
• Mungesa e rrjetit të kanalizimeve në zonat rurale
• Ndikimi negativ i hidrocentraleve në pakësimin e ujit për vaditje dhe ujë të pijshëm
• Mungesa e transportit për fëmijët e shkollave në zonat e thella e të largëta

Në përfundim të takimit, stafi i Avokatit të Popullit administroi ankesat konkrete të qytetarëve për të nisur menjëherë hetimet administrative.

Ekspertët tanë ofruan gjithashtu këshillim ligjor për të interesuarit. 

 Avokati i Popullit mbetet pranë çdo qytetari për mbrojtjen e të drejtave të tyre.

Takimi i radhës do të jetë të martën e ardhshme në Bashkinë e Lezhës. Shihemi më 20 tetor, ora 11:00, te Pallati i Kulturës!