Curriculum Vitae e Avokatit te Popullit, z. Ermir Dobjani

           Institucioni i Avokatit të Popullit është parashikuar për herë të parë në Kushtetutën Shqiptare   të  miratuar  në  Nëntor  1998,   kurse  ligji “Për  Avokatin  e Popullit” është miratuar nga Parlamenti Shqiptar në shkurt të vitit 1999. Ky ligj është hartuar duke patur parasysh dhe legjislacionin e vendeve të tjera të Evropës, të cilat e kanë krijuar  më parë një Institucion të tillë.  Drejtimi  i  Institucionit  të  Avokatit  të  Popullit është monokratik. Avokati  i Popullit  zgjidhet  nga  tre  të  pestat e gjithë  anëtarëve  të  Kuvendit  për  një periudhë 5 vjeçare me të drejtë rizgjedhjeje.

          Më 16 Shkurt 2000,  Parlamenti Shqiptar  me mbi dy të tretat e votave  (104 nga 155 deputetë)  zgjodhi  në  krye  të  këtij  Institucioni,  Doktorin  e  Shkencave Juridike, 

Z. Ermir DOBJANI.

          Më 17 Shkurt 2005, Parlamenti Shqiptar me mbi 70% te votave (99 pro, 14 kundër dhe 8 abstenime nga 140 deputetë gjithsej), rizgjodhi për të dytën herë rradhazi në postin e Avokatit të Popullit, Profesorin e Asociuar, Doktorin  e  Shkencave Juridike, Z. Ermir DOBJANI.

          Me  propozimin e Avokatit të Popullit,  Parlamenti Shqiptar,  më  30  mars 2000  zgjodhi  si Komisionerë të Avokatit të Popullit zotërinjtë: Dr. Jorgo DHRAMI e Agron ÇAUSHI si dhe zj. Florina NUNI. Në datën 29 Mars 2003 komisionerëve të mësipërm ju mbarua mandati 3 vjeçar.

            Me propozim të Avokatit të Popullit, Parlamenti Shqiptar më 22 Janar 2004 zgjodhi  si  Komisionerë të Avokatit të Popullit zotërinjtë: Dr. Jorgo DHRAMI, z. Gëzim LLESHI dhe z. Riza PODA. Në datën 21 Janar 2007 komisionerëve të mësipërm ju mbarua mandati 3 vjeçar. 

            Me propozim të Avokatit të Popullit, Parlamenti Shqiptar më 5 Nëntor 2007 zgjodhi  si  Komisionerë të Avokatit të Popullit zotërinjtë: Zj. Florina NUNI, z. Riza PODA dhe z. Skender HALUCI.

          Sipas strukturës organizative të miratuar, Zyra e Avokatit të Popullit përbëhet nga tre seksione të specializuara, në krye të të cilave qëndrojnë komisionerët.

Seksioni i parë: Merret     me    ankesat    apo  kërkesat    ndaj   organeve   të administratës  qëndrore,  pushtetit  vendor  dhe të tretëve që veprojnë për llogari të tyre.

Seksioni i dytë:  Merret  me  ankesat  apo  kërkesat   ndaj  policisë,  shërbimit sekret, burgjeve, forcave të armatosura dhe pushtetit gjyqësor.

Seksioni i tretë:  Trajton   ankesat  apo  kërkesat  që   nuk  përfshihen   në  dy seksionet e para, bashkëpunon me organizatat joqeveritare si dhe bën studime në fushën e zbatimit të të drejtave dhe lirive të njeriut.  

Njesia per Parandalimin e Tortures: Merret me inspektimet dhe vizitat ne ambientet ku eshte privuar liria e individit, me qellimin per te parandaluar rastet e tortures apo denimeve te tjera çnjerezore dhe degraduese. Kjo strukture eshte ngritur ne zbatim te “Protokollit Opsional te Konventes kunder Tortures dhe çdo Denimi tjeter Çnjerezor dhe Degradues” (OPCAT) ratifikuar nga Kuvendi i Shqiperise me ane te Ligjit Nr.9094 dt.03.07.2007. Ka filluar veprimtarine ne Janar 2008.

            Institucioni   i   Avokatit   të   Popullit  mbron  të  drejtat,  liritë  dhe  interesat  e  ligjshme të  individit  nga  veprimet  ose  mosveprimet  e paligjshme e të parregullta të organeve të administratës publike, si dhe të tretëve që veprojnë për llogari të saj. Ai ka si mision të tij parandalimin  e  konflikteve  të  mundshme  midis   administratës  publike  dhe   individit. Avokati  i  Popullit vepron  në  bazë  të  ankesës  apo kërkesës së paraqitur pranë tij. Ai vepron edhe me nismën e vet, për raste të veçanta, të bëra publike,  por gjithmonë duhet të marrë më vonë pëlqimin e të interesuarit ose të dëmtuarit.

Në rastet kur Avokati i Popullit fillon proçedurën e shqyrtimit të çështjes me nismën e vet dhe kur kujdestari ose përfaqësuesi i tij ligjor nuk vepron, nuk kërkohet pëlqimi i të dëmtuarit kur është i mitur apo i paaftë mendërisht apo me aftësi të kufizuara ose për mbrojtjen e të drejtave të një numri të madh të individëve.

           Në mbrojtje të interesave të një komuniteti të gjërë, të cilët mund të preken nga proçedimi administrativ, Avokati i Popullit ka të drejtë të fillojë një procedim administrativ dhe të marrë pjesë në të, në përputhje me kërkesat e Kodit të Procedurës Administrative.

Avokati  i  Popullit  nuk  vendos  direkt vetë për t’ju dhënë të drejtat personit që ankohet,  por  bën  rekomandime për vënien në vend të së drejtës së shkelur tek organi i administratës  publike  që  sipas  tij  ka  shkaktuar  shkeljen  e  saj.  Në rastet kur organi përkatës  nuk  reagon  ndaj  rekomandimeve  të  Avokatit të Popullit, ky i fundit mund t’i drejtohet   shkallë-shkallë   organeve   më   të  larta   në   hierarki,  deri   edhe  Kuvendit (Parlamentit) me një  raport,  duke propozuar edhe masa konkrete për vënien në vend të së drejtës së shkelur.

Janë jashtë juridiksionit të Avokati i Popullit personat dhe aktet e mëposhtme:

·        Presidenti i Republikës

·        Kryetari i Këshillit të Ministrave

·        Urdhërat me karakter ushtarak të Forcave të Armatosura

·        Konfliktet civile ku nuk janë palë organet e administratës  publike  (marrëdhëniet civile ndërmjet personave privatë ose tregtarë).

·        Avokati  i  Popullit  mund  të  mos  fillojë  ose  ndërpret  hetimin  në  qoftë  se e njëjta   çështje  është  vendosur  ose  është  në  shqyrtim   nga   prokuroria   apo gjykata.  Në  këto raste Avokati i Popullit  ka  të  drejtë  të  kërkojë informacion pranë këtyre organeve. Ai ka të drejtë të  kërkojë  informacione apo dokumenta që  lidhen  me  çështjen  në  shqyrtim,  edhe  kur ato janë të klasifikuara si sekret shtetëror.

__________________________________________________________________

CURRICULIM VITAE

Prof. As. Dr. Ermir  DOBJANI

Emri:                           Ermir

Atësia:                        Zenun

Mbiemri:                    Dobjani

Datëlindja:                  06.04.1953

Vendlindja:                 Kavajë

Vendbanimi:               Tiranë

Statusi:                       I martuar, me dy fëmijë

Adresa e punës:         Avokati  i  Popullit, Bulevardi “Zhan D’Ark”, Nr.2.

                                    Tel. 04 380-303, Fax. 04 380-315;

                                    E-mail: ap@avokatipopullit.gov.al

                                    www.avokatipopullit.gov.al

A R S I M I

Qershor 1972:            Mbaron shkollën e mesme të arsimit të përgjithshëm në qytetin e Kavajës.  

Shtator 1972:             Fillon studimet në Fakultetin e Shkencave Politike e Juridike në Universitetin e Tiranës, dega Drejtësi.  

Maj 1976:                   Diplomohet Jurist me rezultate të shkëlqyera.

DETYRAT  SHTETERORE

Gusht 1975:               Fillon punën si stazhier në Prokurorinë e rrethit Gjirokastër. Pas diplomimit në maj 1976, fillon ndihmës prokuror po në Gjirokastër.  

Tetor 1980:                Inspektor në sektorin e Studimeve në Prokurorinë e Përgjithshme Tiranë.

Maj 1982:                  Përgjegjës i Seksionit të Studimeve dhe Statistikës në Drejtorinë e Hetuesisë, Tiranë.

Gusht 1983:               Përgjegjës i Sektorit të Studimeve dhe Statistikës në Hetuesinë e Përgjithshme, Tiranë.

Maj 1989:                  Pedagog i brendshëm i së drejtës administrative në Fakultetin e Shkencave Politike Juridike në Universitetin e Tiranës.

Prill 1991:                  Përgjegjës i Katedrës së Teorisë së Shtetit dhe së Drejtës në Fakultetin e Drejtësisë të Universitetit të Tiranës.  

Shtator 1991:            Drejtor i Institutit të Lartë të Rendit Publik (sot Akademia e Policisë) Tiranë.

Shtator 1992:              Avokat Privat.

16 Shkurt 2000:          Zgjidhet nga Kuvendi i Republikës së Shqipërisë Avokat i Popullit me mandat 5 vjeçar.

17 Shkurt 2005           Rizgjidhet nga Kuvendi Avokat i Popullit, me mandat 5 vjeçar.

TITUJ  SHKENCORE  DHE  PEDAGOGJIKE

Shtator 1981               Pedagog i jashtëm në Fakultetin e Drejtësisë të Universitetit të Tiranës.

    deri

Maj 1989                    Pedagog i brendshëm në Fakultetin e Drejtësisë të Universitetit të Tiranës.

    deri

Prill 1991                    Përgjegjës i Katedrës së Teorisë së Shtetit dhe së Drejtës në Fakultetin e Drejtësisë të Universitetit të Tiranës.

Nëntor 1991:              Kandidat i Shkencave Juridike

Shkurt 1995:               Doktor i Shkencave Juridike

Shtator 1998:              Rifillon pedagog i jashtëm në Fakultetin e Drejtësisë të  

e vazhdim                    Universitetit të Tiranës.

Shtator 1998:              Pedagog i jashtëm në Shkollën e Magjistraturës.

e vazhdim:

Qershor 2002              Profesor i Asociuar.

Shtator 2004:              Pedagog i jashtëm në Fakultetet private të Drejtësisë.

e vazhdim

KUALIFIKIMI

Korrik 1999                Kurs specializimi për të drejtën penale, organizuar nga ABA CEELI në Poloni.  

Prill 2000                    Specializim në kuadrin e detyrës së Avokatit të Popullit pranë Ombudsmanit të Sllovenisë.  

Maj 2000                    Specializim në kuadrin e detyrës së Avokatit të Popullit pranë Ombudsmanit të Suedisë.  

Shtator 2002               Specializim në kuadrin e detyrës së Avokatit të Popullit pranë Ombudsmanit të Danimarkës.  

Korrik 2003                Trajnim për antikorrupsionin qeveritar organizuar nga Departamenti i Shtetit i SHBA.

Nëntor 2004               Trajnim nga Zyra e Komisionerit për të drejtat e Njeriut pranë OKB-së në Gjenevë për forcimin e punës të zbatimit të rekomandimeve për të drejtat e njeriut në nivel kombëtar.

GJUHE  TE  HUAJA

           Janë mbrojtur në komisionet përkatëse të Fakultetit të Gjuhëve të Huaja në Universitetin e Tiranës gjuhët:  Anglisht, Frëngjisht, Rusisht.

VEPRIMTARIA SHKENCORE DHE PEDAGOGJIKE

1.      Udhëheqje shkencore dhe recenzent i mjaft temave të diplomës të studentëve të Fakultetit të Drejtësisë të Universitetit të Tiranës dhe të Shkollës së Magjistraturës.

2.      Recenzent i tekstit universitar “E drejta Administrative 2” i autorit Sokol Sadushi.

3.      Recenzent i temës së Doktoraturës të zotit Sinan Tafai në lidhje me organet përfaqësuese të vendeve anëtare të Bashkimit Europian.

4.      Kryetar i komisionit të lëndës “E drejta administrative”, për kandidatët e SHPU në Fakultetin e Drejtësisë të Universitetit të Tiranës.

5.      Udhëheqës shkencor i temës të Doktoraturës së disa pedagogëve dhe kandidatëve të tjerë.

AKTIVITETE  TE  TJERA

1. Ushtrim i profesionit të lirë të avokatit që nga shtatori 1992 deri në shkurt 2000.

2. Konsulent juridik i disa shoqatave joqeveritare.

3. Lektor në kursin e specializimit për të drejtën penale, organizuar nga ABA CEELI në Poloni, në nëntor 1999.

4. Projektues dhe drejtues në projektin e Fondacionit “Danida” të Qeverisë Daneze me Qeverinë shqiptare për ngritjen, funksionimin dhe forcimin e institucionit të Avokatit të Popullit në Shqipëri. Shkurt 2000 – Tetor 2003.

5. Referues në ditën e hapur për mbrojtjen e qytetarëve, organizuar nga Fakulteti i Drejtësisë të Universitetit të Barit në Itali më 13 korrik 2001.

LISTA  E  PUBLIKIMEVE

I. TEKSTE  MESIMORE

1.      “E drejta administrative” (pjesa 1) Shtepia Botuese “Libri Universitar”, Tiranë 2003. Ribotim, nëntor 2004, prill 2007.

2.      “E drejta administrative” (pjesa 3), Shtëpia Botuese “Libri Universitar”, Tiranë 1998. Botim i ripunuar, prill 2002.

3.      “E drejta administrative 1”,  Tiranë, tetor 2007.

II. REFERATE, KUMTESA, ARTIKUJ DHE INTERVISTA NE SHTYPIN E  SHKRUAR APO NE BOTIME TE POSAÇME

1.      “Institucioni i Avokatit të Popullit në Shqipëri”, - Referat në seminarin e organizuar nga Këshilli i Europës dhe Grupi i Miqve të Avokatit të Popullit me temë: “Avokati i Popullit në Shqipëri”, - Tiranë   5 tetor 2000 – Botuar në Revistën “Të drejtat e njeriut”, nr.4, viti 2000, fq.13-16.

2.      “Mirëqeverisja me Transparencë - kusht bazë për rritjen e ndërgjegjësimit Antikorrupsion”, - Kumtesë në Konferencën e organizuar nga USAID dhe MSI për krijimin e koalicionit kundër Korupsionit – Tiranë, 29.01.2001.

3.      “Administrata publike duhet të bazohet në ligjin për Statusin e nëpunësit civil”, kumtesë në Konferencën e organizuar nga Departamenti i Administratës Publike pranë Këshillit të Ministrave. Tiranë 12.03.2001.

4.      “Hapësirat që krijon ligji “Për Avokatin e Popullit” në lidhje me mbrojtjen e të drejtave kushtetuese të subjekteve tregëtare” – Referat në seminarin e organizuar në bashkëpunim me Dhomën e Tregëtisë dhe Industrisë. Tiranë 11.06.2001.

5.      “Avokati i Popullit dhe ankesat ndaj policisë për shkelje të të drejtave të njeriut” – Kumtesë në Konferencën e parë kombëtare “Të drejtat e njeriut dhe Policia” – Tiranë 04.10.2001.

6.      “Mbrojtja e të drejtave të njeriut mbi bazën e akteve ndërkombëtare” – Kumtesë në Kongresin e dytë të Mediatorëve dhe Ombudsmanëve të vendeve frankofone – Andora, 14.10.2001, botuar në revistën “Tribuna Juridike” nr.34, viti 2002, fq.12-18.

7.      Përshëndetje e Avokatit të Popullit në Konferencën Gjyqësore – Tiranë, 5 nentor 2001.

8.      Hapësirat dhe instrumentat e Avokatit të Popullit, Artikull, botuar në Tribuna Juridike nr.31, viti 2001, faqe 5-9.

9.      “Institucioni i Avokatit të Popullit dhe marrëdhëniet e tij me pushtetin gjyqësor në Republikën e Shqipërisë”, Kumtesë në Konferencën e organizuar nga Këshilli i Europës në Lubjana, Slloveni, 12-13 nëntor 2001, botuar në International Conference, Collection Ljubjana, Slovenia.

10.  “Avokati i Popullit në mbrojtje të të drejtave të Romëve në Shqipëri – Kumtesë në Mbledhjen e Ombudsmanëve, përfaqësuesve të Gjykatës Europiane për të drejtat e Njeriut dhe shoqatave të Romëve, organizuar nga Këshilli i Europës, Strasburg 19-20 nëntor 2001.

11.  Kontributi i Avokatit të Popullit në Republikën e Shqipërisë për zbatimin e nenit 6 të Konventës europiane të të Drejtave të njeriut për një proces të rregullt ligjor – Fjala në Tavolinën e 7-të të Rrumbullakët me Ombudsmanët Europiane, Zyrih 21-23 nëntor 2001.

12.  E drejta e jetës, e drejtë themelore e njeriut, konferencë kombëtare – dhjetor 2001.

13.  Dy fjalë për lexuesin – Revista “Klinika” nr.1, viti 2001.

14.  “Si të përmirësohen instrumentet ligjore dhe administrative të nevojshëm për kontrollin e armatimit në Shqipëri”. Kumtesë në Seminarin “Mbi sigurinë njerëzore dhe kontrollin e armëve në Shqipëri”, organizuar nga UNDP dhe Shoqata Shqiptare e Atlantikut – Tiranë       10-11 Janar 2002.

15.  Ngritja dhe funksionimi i Avokatit të Popullit në Shqipëri- Fjalim në Konferencën e 4-të mbi Reformën e Drejtësisë në Shqipëri – organizuar nga Këshilli i Europës në Strasburg më 28-29 janar 2002.

16.  Punonjësit e Policisë që shkelin të drejtat e njeriut nuk përfaqësojnë as ligjin dhe as policinë e shtetit – Intervistë e botuar në revistën “Policia sot”, nr.    Viti 2002

17.  Fjala e hapjes (kumtesë) në Seminarin “Marrëdhëniet e Ombudsmanit me gjyqësorin në Shqipëri”, Tiranë 4 prill 2002.

18.  “Konventa Europiane për të drejtat e njeriut dhe legjislacioni shqiptar” – fjala në Seminarin e organizuar nga Qendra Shqiptare për të drejtat e njeriut më 24.10.2002.

19.  Zbatimi i ligjit “Mbi të drejtën e informimit për dokumentet zyrtare” nën këndvështrimin e Avokatit të Popullit, si garant i këtij ligji, më 24.10.2002. Seminari organizuar nga Artikulli 19 – Londër.

20.  Bashkëpunimi ndërmjet institucioneve kombëtare të të drejtave të njeriut dhe ndërmjet atyre dhe Këshillit të Europës dhe organizatave të tjera ndërkombëtare – Fjala në Tryezën e dytë të Rrumbullakët të Institucioneve Kombëtare të të drejtave të njeriut, në Belfast dhe Dublin 14-16 nëntor 2002.

21.  E drejta e informimit, e drejtë themelore e njeriut - Konferencë kombëtare, dhjetor 2002. Shtëpia botuese OMBRA-GVG, Tiranë 2003.

22.  Akte ligjore në ndihmë të të burgosurve jashtë Shqipërisë. Shtëpia botuese OMBRA-GVG, Tiranë 2002.

23.  Ngritja dhe veprimtaria e Avokatit të Popullit (Ombudsmanit) në Shqipëri. Botuar në The international Ombudsman Year book, vol. 6, viti 2002, publikuar Martin Nijhoff publishers Leiden/ Boston, fq. 64-76.

24.  Fjala në Konferencën e 5-të mbi Reformat Ligjore në Gjyqësorin Shqiptar, Sarandë 10-11 shkurt 2003.

25.  Përshëndetje me rastin e Ditës së Drejtësisë 10 maj 2003.

26.  Intervistë: Të drejtat e njeriut, gur themeli i demokracisë, botuar tek Revista – Të drejtat e njeriut nr.3 (35) 2003.

27.  Referat – Akcesi i Avokatit të Popullit në dokumentet zyrtare, mbajtur në Konferencën e 3-të të Shoqatës së Ombudsmanëve dhe Mediatorëve të vendeve të Frankofonisë 14-18 tetor 2003 në Tunizi, botuar në Tribuna Juridike nr.46 (1), 2004.

28.  Ekzekutimi i vendimeve gjyqësore të formës së prerë në mbrojtje të të drejtave të individëve – Konferencë Kombëtare, dhjetor 2003. Shtëpia botuese OMBRA-GVG, Tiranë 2004

29.  Respektimi i të drejtave dhe lirive themelore të qytetarëve është një nga detyrat kryesore institucionale të Policisë së shtetit – Fjala në analizën vjetore të vitit 2003 të Ministrisë së Rendit Publik – 9 janar 2004.

30.  Mbi gjendjen e trafikimit të fëmijëve shqiptarë – Fjala në Konferencën Ndërkombëtare të organizuar nga Këshilli i Europës dhe Ministria e Punës dhe Çështjeve Sociale në Tiranë më 19-20 janar 2004.

31.  Avokati i Popullit në Shqipëri në 10 vjetorin e miratimit të Parimeve të Parisit – Fjala dhe konkluzionet e Seminarit të organizuar në bashkëpunim me zyrën e Komisionerit të Lartë për të drejtat e Njeriut me seli në Gjenevë, në Tiranë më 5 maj 2004.

32.  Besimi publik – Sfidë për Policinë Shqiptare – fjala në konferencën kombëtare të organizuar nga Instituti për Demokraci dhe ndërmjetësim në Tiranë, më 25.06.2004.

33.  Intervistë: “Shkurtimet në polici kanë mbjellë pasiguri në popull” – Gazeta Albania 4 korrik 2004.

34.  Intervistë: “Ne, mbrojtësit moralë të qytetarëve” – Gazeta Dita – 12 korrik 2004.

35.  Intervistë “Shqiptarët, mosbesues te ligji”, Gazeta Albania 19 nëntor 2004.

36.  Artikull “Zgjedhjet, votat t’i numërojnë gjyqtarët”, gazeta Korrieri 20 nëntor 2004.

37.  Të drejtat e punonjësve – Konferencë Kombëtare, dhjetor 2004.

38.  Disa eksperienca në fushën e ndihmës dhe bashkëpunimit ndërmjet ombudsmenëve, shkruar nga Jens Olsen, Soren Knudsen, Ermir Dobjani dhe Christian Moller – botim i veçantë i Ombudsmanit danez 2005, Volumi I, faqe 251-302 – anglisht.

39.  Intervistë për rezultatet e punës së Avokatit të Popullit gjatë mandatit të parë, dhënë Zërit të Amerikës – 3 shkurt 2005.

40.  Intervistë: Forcat e policisë shkelin të Drejtat e njeriut, RD, 5 shkurt 2005.

41.  Gjykata Kushtetuese mund të shqyrtojë kërkesat e Avokatit të Popullit për shfuqizimin e ligjeve antikushtetuese - Tribuna Juridike nr.57 (6) 2005.

42.  Të gjithë në mbrojtje të fëmijëve, konferencë Kombëtare, dhjetor 2005.

43.  Fjala në takimin me temë: E drejta e informimit: Nevoja për zbatueshmërinë e ligjit në kuadrin e Transparencës dhe qeverisjes efiçente”. Tiranë 12 dhjetor 2005.

44.  Roli i ombudsmanëve në konsolidimin e demokracisë. Fjala e mbajtur në Konferencën e ombudsmanëve të vendeve anëtare të PABSEC – Stamboll 26-27 prill 2006, anglisht.

45.  E drejta e pronës private – e drejtë themelore që duhet respektuar. Fjala në konferencën e organizuar nga Qeveria Shqiptare dhe prezenca e OSBE në Shqipëri për procesin e kthimit dhe kompensimit të pronave në Shqipëri, Tiranë, 10 tetor 2006.

46.  Aspekte të dhunës ndaj fëmijëve në Shqipëri – Fjala me rastin e publikimit të Studimit global për dhunën ndaj fëmijëve, realizuar nga OKB – Tiranë, 12 tetor 2006.

47.  Avokati i Popullit në mbrojtje të personave me aftësi të kufizuar – Konferencë kombëtare, dhjetor 2006.

48.  Kompetencat e Avokatit të Popullit përpara Parlamentit, inisiativat për amendime të ligjeve dhe raportet e veçanta. Fjala në Konferencën e organizuar nga Komisioni Europian dhe Ombudsmani i Maqedonisë në Shkup, 20-21 nëntor 2006.

49.  Mbrojtja e qytetarit në Shqipëri – Fjala në Konferencën me temë: Të drejtat e njeriut dhe mbrojtja e tyre”, organizuar nga Këshilli i Rajonit të Bazilikatës dhe Zyra e mbrojtësit të qytetarëve – Matera Itali 1-2 mars 2007.

50.  “Monitorimi i Trajtimit nga Administrata Publike i Rekomandimeve te Avokatit te Popullit” – Fjala në Konferencën e organizuar nga Qendra Shqiptare per Kerkime Ekonomike – Golem, Kavaje 18 Maj 2007.

51.  Roli i Kuvendit të Shqipërisë (Parlamentit) si partner i Ombudsmanit – Fjala në Konferencën e organizuar nga Ombudspersoni i Kosoves – Prishtine 8-9 qershor 2007.

52.  Monitorimit i Strategjisë Kombëtare për Fëmijët – Fjala në Konferencën e organizuar ne bashkepunim me zyren e UNICEF-it dhe Save the Children – Tirane, 13 korrik 2007.

53.  Drejt një Shqipërie pa torturë – Fjala në Konferencën e organizuar nga Qendra Shqiptare për Rehabilitimin e Traumës dhe Torturës – Tirane, 26 korrik 2007.

54.  Roli i Avokatit të Popullit në procesin e ndërgjegjësimit lidhur me KEDNJ dhe mekanizmin e saj – Fjala në Konferencën me teme: “Permiresimi i cilesise se zbatimit te Konventes Evropiane te te Drejtave te Njeriut, nepermjet zgjerimit te bashkepunimit ndermjet institucioneve vendase”, Tirane, 27 shtator 2007.

55.  Fjala e mbajtur në Konferencën me teme: "Bashkëpunimi i Gjykatës Kushtetuese me Ombudsmanin në mbrojtje të të drejtave të njeriut" – Erevan - Armenia, 5-6 tetor 2007 .

56.  Legjislacioni Shqiptar dhe Konventa e te Drejtave te Femijeve – Fjala në Tryezen e Rrumbullaket organizuar ne bashkepunim me Qendren e Sherbimeve dhe Praktikave Ligjore te Integruara, Tirane, 30 tetor 2007.

57.  Mesazh pershendetes i Avokatit te Popullit me rastin e 15-vjetorit te krijimit te Gjykates Kushtetuese te Republikes se Shqiperise, Tirane, 24 nentor 2007.

58.  Sfidat e Avokatit te Popullit per ngritjen e Mekanizimit Kombetar per Parandalimin e Tortures - Fjala në Konferencën me teme: "Shqipëria dhe Protokolli Plotësues i Konventës kundër Torturës (OPCAT) – Mekanizmi Kombëtar i Parandalimit, mundësi konkrete për parandalimin e torturës dhe cdo forme tjetër çnjerëzore dhe degraduese", organizuar ne bashkepunim me Qendren Shqiptare per Rehabilitimin e Viktimave te Tortures , Tirane, 10 mars 2008.