Tiranë, më 09/03/2004

Nr.   K2/F7-2   Prot.

Nr.dok 200400297/2

Lenda:        Rekomandohet marrja e masave për ngritjen e padisë civile ne proçesin penal, dhe vendosjen e sekuestros mbi pasurinë e shoqerise franceze të minierës së bitumit Selenicë.

Drejtuar:    Prokurorit te rrethit

                                                Z. Petrit   ÇANO

                                                                   V L O R Ë

          Në institucionin e Avokatit te Popullit, kanë paraqitur kërkesë familjarët e viktimave Eduard Memaj dhe Refat Tozaj nga Selenica e Vlorës, që kanë humbur jetën si pasojë e shkeljes së rregullave të mbrojtjes në punë në minierën e Selenicës.

          Kërkuesit ngrenë shqetesimin se, humbja e jetës e personave te aferm te familjeve te tyre eshte jo vetem fizike dhe e pakthyeshme por dhe me pasoja tepër të rënda ekonomike financiare për të ardhmen e familjarëve në ngarkim të tyre.

          Shperblimi i demit percaktohet ne nenin 640 te Kodit Civil te Republikes se Shqiperise, ndërsa në nenin 641 te ketij Kodi behet fjale se “personi qe i ka shkaktuar tjetrit nje dëm ne shëndetin e tij detyrohet te shperblejë dëmin, duke patur parasysh humbjen ose pakësimin e aftësisë për punë të demtuarit, shpenzimet qe jane bere per mjekimin e tij si dhe shpenzime te tjera qe kane lidhje me demin e shkaktuar”.

Nga verifikimet tona, rezulton se nga ana e juaj për këtë ngjarje është nisur proçedim penal, dhe familjarëve të viktimave neni 61 i Kodit  të Proçedurës Penale, u njeh të drejtën e ngritjes së padisë civile në proçesin penal kundër personave të marrë në përgjegjësi penale për shpërblimin e dëmit të shkaktuar.

Ankuesit për realizimin e kësaj të drejte, kërkojnë ndërhyrjen e Institucionit të Avokatit të Popullit.

          Në mënyrë që kjo e drejtë e tyre te realizohet ne menyre efektive, lind nevoja që jo vetëm të ngrihet padia civile por, në mbështetje të nenit 63 të Kodit të Proçedurës Penale të bëhet edhe sigurimi i padisë civile duke u vendosur sekuestrimi i pasurisë të shoqërisë franceze pronare e minierës deri në përfundimin e çështjes.

          Sa siper duke konstatuar se kerkesa e familjarëve të viktimave eshte e drejte, bazuar ne Kushtetutën e Republikës të Shqipërisë neni 63 pika 3

                                       R E K O M A N D O H E T

          Marrja e masave për ngritjen e padise civile ne proçesin penal dhe vendosjen e sekuestros konservative ne pronat dhe pasurinë e shoqerise franceze te minieres se bitumit Selenicë Vlore, për të bërë të mundur shpërblimin e dëmit të shkaktuar nga vdekja aksidentale në minierën e Selenicës të 6 minatorëve dhe plagosjen e disa të tjerëve.

          Lutemi që brenda 30 ditëve te na ktheni pergjigje.

                                                               AVOKATI  I  POPULLIT

         ERMIR DOBJANI