Nr.  Kab.Sh.4/2 Prot.                                 Tiranë, më 28/12/2005

Nr. Dok. 200502268/2        

Lenda:        Rekomandim lidhur me marrjen e iniciatives per rregullimin ligjor të ndërtimeve të objekteve fetare

Drejtuar:    Ministrit te Puneve Publike, Transportit dhe Telekomunikacionit

Z. Lulzim  BASHA

Komitetit Shtetëror të Kulteve

Z. Rasim  HASANAJ

Per dijeni:  Kryeministrit të Shqipërisë

Z. Sali  BERISHA

                                                                                                     Tiranë

Të nderuar zotërinj,

Institucioni i Avokatit te Popullit, ka shqyrtuar disa çeshtje ne mbrojtje te se drejtes kushtetuese te lirise fetare, te sanksionuara ne nenet 10 dhe 24 te Kushtetutes sonë.

          Te ndjeshem ne respektimin e lirise fetare nga njera ane dhe te pergjegjesise qe kemi te gjithe  qe intoleranca fetare te mos behet shkak per lindjen e konflikteve midis komuniteteve fetare, parashtrojmë se:

          Duke mare shkas nga ankesat e paraqitura nëpërmjet Mediave, sidomos kohet e fundit, lidhur me impaktin negativ qe po krijojne ne komunitetet fetare ndertimet e objekteve te kultit si kryqet, teqete, xhamite, varreza si vende te shenjta etj, me vend e pa vend, me ose pa leje, si dhe duke pare që ushtrimi i kompetencave nga komunat dhe bashkitë për të dhënë leje për ndërtime të tilla rrezikon të mosrespektojë tolerancën fetare në nivel lokal apo kombëtar, jemi të mendimit që proçedura e dhënies së lejes për ndërtime të tilla, dokumentacioni që duhet te plotesohet si dhe organi qe duhet te jete kompetent per te miratuar lejen e ndertimit duhen t’i përshtaten një rregulli specifik ligjor.

          Keshtu, duke qene te ndergjegjshem per vështirësite qe paraqet vendimmarrja e organeve te Urbanistikes per keto lloj ndertimesh gje qe varet si nga territori ku ndodhen apo perkatesia fetare e anetareve te KRRT-ve lokale, jemi te mendimit se leja per ndertimin e nje objekti kulti duhet te kaloje neper disa faza.

          Konkretisht, propozojme plotesimin e Ligjit “Per Urbanistiken”, duke parashikuar që:

          KRRTRSH-ja e Republikës duhet te jete organi i vetem qe duhet të miratojë vendimin per dhenie leje ndertimi për objekte kulti pasi të ketë marrë edhe mendimin e Komitetit Shtetëror të Kulteve.

          Pra vendimet e KRRT-ve te Bashkive, Komunave dhe Qarqeve me objekt dhenien e lejeve te ndertimit per objekte kulti do te kene fuqi vetem pasi te miratohen nga ana e KRRTRSH-se së Republikës.

          Per permbushjen e ketyre kerkesave kerkohet plotesimi i nenit 9 te Ligjit Nr. 8405 Date 17.09.1998 “Per Urbanistiken” i ndryshuar ose nxjerrja e nje ligji te posaçem.

Ky kufizim i të drejtave të organeve të pushtetit vendor, por edhe të komuniteteve fetare, bazohet në nenin 17 të Kushtetutës sonë sepse bëhet për “interes publik dhe për mbrojtjen e të drejtave të të tjerëve”.

Per sa me lart, Institucioni i Avokatit te Popullit, duke e konsideruar si nje problem shqetesues ndertimin pa kriter te objekteve te kultit te cilat mund te nxisin intolerancen, ne mbeshtetje te pikes 3 te nenit 63 te Kushtetutes, ku thuhet shprehimisht se: “Avokati i Popullit ka te drejte te beje rekomandime dhe te propozoje masa kur veren shkelje te te drejtave dhe lirive te njeriut nga administrata publike”, dhe ne vijim te nenit 24/a, te Ligjit nr.8454 date 4.02.1999 “Per Avokatin e Popullit”,

R E K O M A N D O J M E

Nxjerrjen e një ligji të ri të posaçëm ose plotesimin e nenit 9 te Ligjit nr.8405 date 17.09.1998 të ndryshuar “Per Urbansitiken”, për t’i dhënë të drejtën e miratimit të lejes së ndërtimit për objekte kulti Këshillit të Rregullimit të Territorit të Republikës. Gjithashtu të urdhërohet që të prishen të gjitha ato objekte kulti të ndërtuara pa leje para hyrjes në fuqi të këtij ligji.

Lutemi te na vini ne dijeni per qendrimin tuaj, ndaj ketij rekomandimi brenda 30 diteve.

           Duke besuar ne mirekuptimin dhe bashkepunimin tuaj,