Zoti Ministër

Institucioni i Avokatit të Popullit po vijon të ketë në vëmendje te vazhdueshme respektimin e te drejtave dhe lirive te femijeve, si dhe sigurimin e kushteve te nevojshme dhe te domosdoshme per mirerritjen e tyre.

Kjo veprimtari buron në bazë të ligjit nr.8454 datë 04.02.1999 ndryshuar me ligjin nr.9399, datë 12.05.2005 ku thuhet midis të tjerësh se: “Avokati i Popullit apo persona të autorizuar prej tij kanë të drejtë të hyjnë në çdo kohë, pa kufizim apo autorizim paraprak, por duke vënë në dijeni titullarin e institucionit, në të gjitha institucionet e administratës publike, në azile dhe vecanerisht ne shtëpi fëmije, si dhe në çdo vend tjetër ku ka të dhëna dhe çmon se ekziston mundësia e shkeljes së të drejtave dhe lirive të njeriut”.

Ne zbatim te kesaj kompetence Avokati i Popullit, në datën 10.07.2009 ka kryer një inspektim në Shtëpinë e Fëmijës 0-6 vjeç, ne Vlore.

Nga takimi me drejtuesen e kësaj qendre na u shpjegua se aty trajtoheshin fëmijët jetime sociale me vetem nje prind dhe femijet jetime biologjike te moshes foshnjore deri 6 vjeç. Numri i përfituesve të kësaj qendre është 30 fëmijë dhe aktualisht strehohen 12 fëmijë, 3 vajza dhe 9 djem.

Personeli i kësaj qendre përbëhej nga 22 persona: 10 kujdestar, 1 punonjëse sociale, 1 edukatore per parashkolloret. Ky staf kishte kualifikimin e duhur profesional. Shumica e edukatoreve ishin me profesion infermiere të cilat kishin eksperiencë të gjatë në kete institucion.

Gjatë këtij inspektimi u vunë re kushte të mira të ambjenteve te brendshme ku mbaheshin fëmijët. Kushtet e ambjenteve të fjetjes, argëtimit dhe gatimit ishin të pastra dhe të pajisura me mjete funksionale. Ngrohja realizohej me kondicionim dhe nje gjenerator ne gjendje pune ne raste nderprerje energjie. Në mure ishin të varura rregulloret dhe standartet që duhet të respektonin punonjësit e qendrës.

Punonjësja sociale kishte dosje te plote per çdo fëmijë të strehuar ne kete institucion dhe i pasuronte në mënyrë periodike ato me informacione te domosdoshme. Nga kontakti me personelin na u shpjegua se shume prej ketyre femijeve biresoheshin si nga prinder vendas ashtu dhe nga te huaj. Ne korridorin e ketij institucioni ishin te varura te gjitha fotot e femijeve qe ishin strehuar ne vite dhe qe kishin gjetur fale biresimit nje familje te caktuar. Shumë prej tyre vizitoheshin edhe nga prindërit te cilët i merrnin edhe në fundjavë. Dhoma e takimit ishte në kushte shumë të mira. Nuk kishte pasur asnjëherë ankesa për keqtrajtim apo dhunë nga të afërmit e këtyre fëmijëve.

Lavanderia ishte më vete në gjendje të mirë pune dhe me një furnizim normal me artikuj të higjenës.

Jeta sociale zhvillohej në sallë lojrash, ambjent argëtimi të gjelbëruar dhe të bollshëm përreth godines me lodra për fëmijë, dhomë TV, pra ishte në kushte optimale. Monitorimi i standarteve bëhej shpesh herë nga inspektorë të standarteve dhe perfaqesues te Bashkise.

Asistenca mjeksore sigurohej nga një mjeke pediatre jo e përfshirë në organikën e qendrës, por e punësuar me kontratë, e cila vizitonte fëmijët 3 herë në javë . Çdo fëmijë kishte kartelën e tij personale mjekësore për ekzaminimin periodik. Furnizimi me ilaçe ishte funksional dhe ishte zgjidhur nëpërmjet lidhjes së kontratës me nje depo farmaceutike.

Sistemi i ruajtjes se godines ishte siguruar me roje private vetem naten, ndersa gjate dites ky sherbim mbulohej nga vete personeli i saj.

Krahas situatës së mesiperme të kushteve dhe trajtimit të fëmijëve u vune re edhe problemet si vijon:

* Në te tere godinen ishin bere rikonstruksione te pjesshme gjate periudhave te ndryshme, por ne teresine e saj kjo ishte nje godine e vjeter dhe e amortizuar. Rikonstruksioni total i saj nuk eshte bere qe prej 15 vjetesh dhe ne pamje te jashtme ajo le shume per te deshiruar. Bashkia e qytetit kishte bere nderhyrje si ne tualete, hidroizolim tarace dhe riparime te tjera te pjesshme, por godina ne teresi ishte shume e amortizuar me lagështirë ne korridoret e katit te trete.

* Kuota ushqimore ishte 240 lekë në ditë për çdo fëmijë. Kjo kuote ishte e pamjaftueshme duke pasur parasysh rritjen e përditshme të çmimeve në treg.

Në këto kushte, në mbështetje të pikës 3, të nenit 63 të Kushtetutës së Republikës së Shqipërisë ku thuhet se: “Avokati i Popullit ka të drejtë të bëjë rekomandime dhe të propozojë masa kur vëren shkelje të të drejtave dhe lirive të njeriut nga administrata publike . Sa me siper ju,

R E K O M A N D O J M Ë

1.    Marrjen e masave për rikonstruksionin e tere godinës ku strehohen fëmijë nga 0 deri në 6 vjeç duke evituar lagështirën.

2.   Shtimin e kuotës ushqimore, kjo referuar rritjes se cmimeve te tregut, domosdoshme kjo për sigurimin normal të ushqyerjes së këtyre fëmijëve.

Në zbatim të këtij rekomandimi lidhur me masat që do të merrni si dhe në mbështetje të nenit 14 të Ligjit Nr.8454 datë 4.02.1999, të Avokatit të Popullit lutemi të na ktheni një përgjigje jo më vonë se 30 ditë nga data e paraqitjes së tij.

Duke besuar në bashkëpunimin Tuaj

                                                           Me respekt

AVOKATI  I  POPULLIT

        Ermir  DOBJANI