Drejtuar:     Ministrit te Rendit Publik

                                  Z. Igli Toska

                                                                TIRANE

Zoti Minister,

            Ju falenderojme per kthimin e pergjigjes (megjithse te vonuar), lidhur me rekomandimin tone “Per pagimin e punonjesve te policise ne dispozicion”, si dhe per faktin qe nga ana Juaj jane marre masat perkatese ne zbatim te rekomandimit tone, duke emeruar ne detyre punonjesit e  policise te cilet kane qene ne dispozicion (nga 48 ne muajin Janar 2003, aktualisht 3 punonjes).

            Megjithese veprimi i mesiperm eshte nje hap pozitiv per respektimin e te drejtave ligjore te punonjesve te policise, ne nuk mund te terhiqemi nga rekomandimi yne per pagimin e punonjesve te policise gjate kohes se qendrimit ne dispozicion per keto aresye:

Ne pergjigjen Tuaj lidhur me kete problem, midis te tjerave shpreheni se:

            “Nga ana e Ministrise se Rendit Publik, eshte analizuar disa here ky problem dhe si rrjedhoje e mungeses se bazes ligjore, nuk eshte bere pagesa e punonjesve te policise te cilet jane ne dispozicion, te strukturave te M.R.Publik”.

            Z. Minister,

            Pretendimi i mesiperm nuk eshte i bazuar, sepse baza ligjore eshte e parashikuar ne dy ligje kryesore per Policine:

Se pari, vjen ne kundershtim te plote dhe te hapur me nenin 64, pika 4, germa “ç”, te ligjit nr. 8553, date 25.11.1999 “Per Policine e Shtetit”, ne te cilin eshte parashikuar qendrimi ne dispozicion. Sipas kesaj dispozite, njihet kohe (vjetersi) sherbimi per punonjesit e Policise edhe koha e qendrimit ne dispozicion, per shkak te pritjes per sistemimin ne nje funksion ne perputhje me graden.

Se dyti, ne te njejten kohe ai vjen ne kundershtim edhe me nenin 5, germa “a” te ligjit nr. 8661, date 18.09.2000 “Per sigurimin shoqeror suplementar te punonjesve te Policise se Shtetit” ne te cilin eshte parashikuar se, ne kohen e sherbimit te punonjesit te policise perfshihet edhe koha e qendrimit ne dispozicion per shkak te pritjes per sistemim ne nje funksion tjeter, ne perputhje me graden.

Ne baze te ligjit  nr. 7703, date 11.05.1993 “Per Sigurimet Shoqerore ne Republiken e Shqiperise” neni 58/1/a, “Kohe (vjetersi) pune (sherbimi) njihet koha e punes per te cilen jane paguar kontributet”. Ne baze te nenit 15, paragrafi i katert te po ketij ligji, “Punedhenesi paguan çdo muaj kontributet, me urdher xhirimi tip dhe shumat e paguara duhet te perputhen me shumat e listpagesave”.

Pra, siç rezulton nga dispozita e mesiperme, kontributet per siguracionet jane reference e pages se punonjesit, per rrjedhoj ne qoftese nje punonjesi nuk i jepet paga atehere edhe kontributet per siguracione nuk mund te derdhen nga punedhenesi. 

Si konkluzion i ketyre dispozitave ligjore del, se ligjet e kane parashikuar qendrimin ne dispozicion te punonjesit te policise per aresye sistemimi dhe se gjate kesaj kohe ai duhet te paguhet e te sigurohet njekohesisht.

            Bazuar ne dispozitat ligjore te cituara me larte, ne argumentat e pershkruara ne dy shkresat tona te derguara me pare dhe me qellim qe te behet e mundur rivendosja ne vend e te drejtave te shkelura punonjesve te policise, bazuar ne piken 3 te nenit 63 te Kushtetutes se Republikes se Shqiperise, si dhe ne germen “b” te nenit 21 te ligjit nr. 8454, dt. 04.02.1999 “Per Avokatin e Popullit” Ju,

R E K O M A N D O J M E

1. Marrjen e masave te nevojshme per pagimin e punonjesve te policise per kohen qe kane qene apo jane ne dispozicion te strukturave te M.R.Publik.

2. Per masat e marra ne zbatim te ketij rekomandimi, lutemi te ktheni pergjigje brenda afatit ligjor prej 30 ditesh, te parashikuar ne nenin 22 te ligjit “Per Avokatin e Popullit”.

             Duke besuar ne mirekuptimin tuaj,

                                                               AVOKATI  I  POPULLIT

         ERMIR DOBJANI