I nderuar zoti
Kryetar i Keshillit te Qarkut !
Me anen e kesaj shkrese fillimisht duam
t’ju falenderojme per korrektesen ne kthimin e pergjigjes per
rekomandimin tone te dates 21.9.2004, por nga ana tjeter deshirojme te
evidentojme para jush dhe Keshillit te Qarkut Elbasan, te cilin ju
keni nderin ta drejtoni, pretendimet tona lidhur me permbajtjen e saj.
Ne sqarimet tuaja, midis te tjerave, na behet e ditur se : “
Zoti Kryeziu i eshte drejtuar Gjykates se Larte duke i bere rekurs
vendimit te Gjykates se Apelit Durres. Ne keto kushte duke qene se
vendimi i Gjykates se Apelit Durres eshte kundershtuar, ky vendim nuk
eshte titull ekzekutiv, pasi nuk eshte i formes se prere (kjo per te
sqaruar paragrafin e pare te shkreses Tuaj)”.
Jemi
te detyruar te sqarojme se ky argument
nuk eshte i bazuar ne asnje dispozite te Kodit te Proçedures
Civile apo norme tjeter proçeduriale civile. Ne nenin 451 te Kodit te
lart-permendur, jane percaktuar ne menyre taksative kater rastet kur
vendimi gjyqesor merr forme te prere, ku midis te tjerave, ne germen
“ç” parashikohet se merr forme te prere : “vendimi
i gjykates eshte lene ne fuqi, ndryshuar ose eshte pushuar gjykimi ne
shkalle te dyte”.
Ne paragrafin e pare te nenit pasues, ne ate me numer 451/a, ne
mbeshtetje te pikes 3 te nenit 142 te Kushtetutes qe i obligon organet
e shtetit te ekzekutojne vendimet gjyqesore, sanksionohet : “Vendimi
qe ka marre forme te prere eshte i detyrueshem per palet, per
trashegimtaret e tyre, per personat qe heqin te drejta nga palet, per
gjykaten qe ka dhene vendimin dhe per te gjitha gjykatat dhe
institucionet e tjera”
Ushtrimi
nga palet i ankimit ndaj vendimeve gjyqesore te formes se prere nuk
passjell pezullimin e ekzekutimit te ketyre vendimeve. Vetem ne nje
rast pezullohet ky ekzekutim;, kur ne ankim eshte kerkuar edhe
pezullimi i ekzekutimit te titullit ekzekutiv; dhe Gjykata e
Larte ka marre kete vendim menjehere, pavaresisht kohes se kur do te
gjykohet ankimi. Dhe ky rast eshte perseri i parashikuar ne Kodin e
Proçedures Civile, pikerisht ne nenin 479 te tij
:
“Gjykata
e larte pezullon ekzekutimin e vendimit kur :
a)
ekzekutimi i menjehershem i vendimit do te sillte pasoja te
renda e te pariparueshme.
b)
Pala qe ka bere rekursin depoziton garanci materiale qe siguron
ekzekutimin e vendimit”
Ne
rastin konkret, Gjykata e Larte nuk ka marre vendim per pezullimin e
ekzekutimit te titullit ekzekutiv, per faktin e thjeshte se ne kopjen
e rekursit qe na keni vene ne dispozicion, ne objektin e padise,
ankuesi nuk ka kerkuar pezullimin e ekzekutimit. Vete gjykata me
nismen e vet nuk mund te marre vendime jashte objektit te padise pasi
: 1) te drejten e disponimit te ankimit e ka vete ankuesi: 2)
gjykata qe gjykon mosmareveshjen duhet te
shprehet mbi gjiithçka qe kerkohet dhe
vetem per ate qe kerkohet (neni 6 i KPrC)
Edhe
pretendimi tjeter qe ngrini, si ne pergjigjen tuaj te pare, qe edhe
nese : “.. kur vendimi te jete i formes se prere, per proçedure,
fillimi i zbatimit te vendimit behet nga komuna perkatese, e cila pas
konfirmimit te Prefektit te Qarkut Elbasan, e kalon ne keshillin e
qarkut vendimin per heqjen e mandatit te keshilltarit..” nuk qendron
pasi nuk ka asnje mbeshtetje ligjore, ashtu siç ju kemi bere
shpjegimin e duhur ne paragrafin e peste te rekomandimit tone. Por
shtojme per theksim, se jane aktet administrative qe pasi kalojne proçeduren
e gjykimit ne rruge administrative, jane te ankimueshme ne gjykate,
dhe jo vendimet gjyqesore te formes te prere i nenshtrohet gjykimit
administrativ.
Perserisim
se kembengulja per mos ekzekutimin e vendimit gjyqesor te formes se
prere, eshte shkelje permanente dhe e rende e te drejtave te njeriut
per nje gjykim te drejte dhe publik brenda nje afati te aresyeshem dhe
nga nje gjykate e pavarur dhe e paaneshme e caktuar me ligj, ku
ekzekutimi i vendimeve gjyqesore te formes se prere eshte pjese
integrale e ketij proçesi, parashikuar ne piken 2 te nenit 42 te
Kushtetutes dhe ne nenin 6 te Konventes Evropiane per Mbrojtjen e te
Drejtave dhe Lirive Themelore, qe pas ratifikimit nga shteti shqiptar
eshte pjese perberese e sistemit te brendshem juridik (neni 122 i
Kushtetutes).
Po ashtu vazhdon paligjshmeria e qenies si anetar i Keshillit
te Qarkut Elbasan te zotit Ismail Kryeziu qe nga data qe vendimi
gjyqesor ka marre forme te prere.
E shohim me vend t’u terheqim vemendjen tuaj edhe per faktin,
se kjo paligjshmeri ne formen e marrjes pjese ne proçesin
vendimmarres te zotit Kryeziu ne mungese te mandatit perkates, eshte
shkak ligjor per deklarimin e pavlefshem te vendimeve dhe akteve
administrative ku ai ka marre pjese ne votim.
Duke besuar se per per kete praktike ju eshte dhene ose
sugjeruar ndihme juridike e pakualifikuar, pa vene asnjehere ne dyshim
besimin tone, jo vetem ndaj detyres tuaj te respektuar por edhe ne
deshiren e perbashket per respektin e te drejtave dhe interesave te
ligjeshme te individeve ne perputhje me Kushtetuten dhe legjislacionin
shqiptar, ju sugjerojme edhe nje here ta vleresoni rekomandimin tone
ne baze te ketyre normave dhe te merrni te gjitha masat per
ekzekutimin e vendimit gjyqesor te formes se prere, si vetmja
alternative e mundeshme dhe ligjore.
Duke besuar ne mirekuptimin tuaj, lutemi te na vini ne dijeni
brenda 15 diteve per
ecurine e rekomandimit tone te dates 21.9.2004.
AVOKATI I POPULLIT
ERMIR
DOBJANI
