Nr. K2/M89-6 Prot.                                    Tiranë, më 16/02/2004

Nr. Dok. 200202860/6        

Lenda:        Perserisim rekomandimin tone per t’i bere propozim Keshillit te Ministrave per ndryshimin dhe permiresimin e Vendimin te K. M. Nr. 552, dt. 27.11.1999.

                            Drejtuar:     Ministrit te Rendit Publik

                             Z. Igli TOSKA

                                                                          TIRANE

Nga ndjekja dhe trajtimi i disa ankesave te qytetareve, familjare te punonjesve te policise te vrare ose te plagosur, ndaj Vendimit te Keshillit te Ministrave Nr. 552, dt. 27.11.1999 “Per trajtimin ekonomik e financiar te familjeve te punonjesve te policise te vrare apo plagosur per shkak te detyres”, si dhe nga studimi i ketij vendimi rezulton se ai i shtrin efektet e tij qe nga dt. 01 janar 1999. Ky vendim ja ka mohuar te drejten e trajtimit familjareve te punonjesve te policise te vrare ose te plagosur para kesaj date.

          Nga ballafaqimi i tij me aktet nderkombetare te te drejtave te njeriut,   ne konstatojme se vendimi i mesiperm nuk eshte nxjere ne perputhje me to dhe konkretisht:

1. Me nenin 1 te “Deklarates universale te te drejtave te njeriut”, miratuar dhe shpallur nga Asambleja e Pergjithshme me Rezoluten e saj 217 A, te 10 dhjetorit 1948, ne te cilen percaktohet se : “Te gjitha qeniet njerezore lindin te lira e te barabarta nga pikpamja e dinjitetit dhe e te drejtave”.

2. Ai vjen ne kundershtim me nenin 7, germa “a”, te “Paktit nderkombetar lidhur me te drejtat ekonomike, shoqerore dhe kulturore”, miratuar nga Asambleja e Pergjithshme me rezoluten e saj 2200 A, te 16 dhjetorit 1966, ne te cilen percaktohet se : “Shtetet pale ne kete Pakt njohin te drejten qe ka çdo person per te gezuar kushte pune te drejta e te favorshme, te cilat te sigurojne ne menyre te veçante: ... Nje page te drejte dhe nje shperblim te barabarte per nje pune te barabarte, pa kurrfare dallimi,...”.

3. Gjithashtu, vendimi vjen ne kundershtim edhe me nenin 18 te Kushtetutes se Republikes se Shqiperise, ne te cilin percaktohet se : “Te gjithe jane te barabarte para ligjit”, si dhe me nenin 59, germa “f” te saj, ne te cilin percaktohet se : “Shteti, brenda kompetencave kushtetuese dhe mjeteve qe disponon, si dhe ne plotesim te nismes dhe te pergjegjesise private, synon : ...riaftesimin shendetesor, edukimin e specializuar dhe integrimin ne shoqeri te te paafteve, si dhe permiresimin ne vazhdimesi te kushteve te tyre te jeteses”.

Per keto aresye ne daten 06.12.2002 i kemi rekomanduar Ministrit te Rendit Publik qe t’i propozoi Keshillit te Ministrave ndryshimin dhe permiresimin e Vendimit te K.M nr. 552, date 27.11.1999 “Per trajtimin ekonomik e financiar te familjeve te punonjesve te policise te vrare apo plagosur per shkak te detyres”, duke i shtrire efektet e zbatimit te tij nga 01 janari 1991.

Nga interesimi qe kemi bere prane sektoreve perkates ne M.R.Publik per mbarevajtjen e ketij problemi, jemi informuar se ne baze te rekomandimit tone dhe te kerkeses se Kabinetit te Kryeministrit nga ana e dikasterit tuaj filloi te behej propozimi per projekt-vendimin perkates. Ish Ministri i Rendit Publik z. Rama, ne seancen plenare te Parlamentit te Republikes se Shqiperise me 7 prill 2003, ku u paraqit raporti vjetor 2002 i Avokatit te Popullit, premtoi se Vendimi i mesiperm do te permiresohej se shpejti nga Qeveria, ashtu siç ishte kerkuar nga ana jone. Por megjithe interesimin e vazhdueshem qe kemi bere prane M.R.Publik jemi informuar se perveç pergatitjes se projekt-vendimit perkates, nuk eshte bere ndonje veprim i metejshem per t’ia derguar ate Qeverise.

Per te bere te mundur zgjidhjen e ketij problemi shume te ndjeshem dhe meqenese buxheti i M.R.Publik dhe i Policise se Shtetit per vitin 2004 eshte rritur edhe me 10% me shume se sa buxheti i vitit te kaluar, bazuar ne piken 3 te nenit 63 te Kushtetutes se Republikes se Shqiperise, ku thuhet se : “Avokati i Popullit ka te drejte te beje rekomandime dhe te propozoje masa kur veren shkelje te te drejtave dhe lirive te njeriut nga administrata publike”, si dhe ne, germen “b” te nenit 24 te ligjit Nr. 8454, dt. 04.02.1999 “Per Avokatin e Popullit”, ku thuhet se : “Kur Avokati i Popullit veren se eshte vete permbajtja e ligjit ose e akteve te tjera normative dhe jo zbatimi i tyre shkaku qe krijon premisa per shkelje te te drejtave te njeriut, te njohura nga Kushtetuta ose ligjet e tjera, ka te drejte t’u propozoje organeve te administrates ndryshimin ose permiresimin e akteve nenligjore” Ju;

R E K O M A N D O J M E

1.     Qe t’i propozoni Keshillit te Ministrave ndryshimin dhe permiresimin e Vendimit te K.M nr. 552, date 27.11.1999 “Per trajtimin ekonomik e financiar te familjeve te punonjesve te policise te vrare apo plagosur per shkak te detyres”, duke i shtrire efektet e zbatimit te tij nga 01 janari 1991.

2.     Per masat qe do te merni, lutemi te na vini ne dijeni brenda afatit ligjor prej 30 ditesh, te parashikuar ne nenin 22 te ligjit “Per Avokatin e Popullit”.

Bashkelidhur po ju dergojme edhe fotokopjen e rekomandimit te

meparshem.

            Duke besuar ne mirekuptimin tuaj,