Në institucionin e Avokatit të Popullit disa të burgosur kanë depozituar ankesat e tyre me anën e të cilave kërkojnë shpërblimin për punën që kryejnë në burgje.

          Nga shqyrtimi i ankesave të tyre si dhe ne kendveshtrim te neneve 76 dhe 34 të ligjit nr.8328.dt.16.04.1998 “Per te Drejtat dhe Trajtimin e te denuarve me Burgim” del se Keshilli i Ministrave duhej te miratonte Rregulloren e Burgjeve dhe akte te tjera nenligjore brenda 3 muajve nga hyrja e ligjit ne fuqi, pra qe ne vitin 1998. Sipas nenit 34 te ketij ligji (paragrafi i fundit) puna e te burgosurve shperblehet sipas kritereve te percaktuara me Vendim te veçante te Keshillit te Ministrave.

Mirepo, megjithëse kanë kaluar rreth 4 vjet nga dita kur ka hyrë në fuqi ligji “Për të drejtat dhe trajtimin e të dënuarve me burgim” një vendim i tillë ende nuk ka dalë. Aktualisht gjithe te burgosurit qe punojne ne burgje, marrin nje shperblim simbolik (90 leke ne muaj dhe per çdo nje muaj pune perfitojne 4 dite burgim). Ky trajtim vjen ne kundershtim me rregullin 76, pika 1 te Konventes nderkombetare per mbrojtjen e te drejtave te personave qe i neneshtrohen burgimit e cila percakton se puna e te burgosurve duhet te shperblehet me drejtesi.

          Mosnxjerrja e Vendimit të Këshillit të Ministrave për të caktuar kriteret e shpërblimit të punës së të dënuarve është edhe ne kundershtim me nenin 28 të Kushtetutës së Republikës së Shqipërisë, qe percakton se çdo i burgosur ka te drejten e trajtimit njerezor dhe te respektimit te dinjitetit te tij. Mosplotësimi i legjislacionit perkates me aktet zbatuese gjithashtu lë shteg për të abuzuar me të drejtat e liritë e të dënuarve dhe krijon premisa per shkelje te te drejtave te tyre.

Per keto arsye, ne baze te nenit 63 te Kushtetutes se Shqiperise qe thote se “Avokati i Popullit ka te drejte te beje rekomandime dhe te propozoje masa kur veren shkelje te te drejtave dhe lirive te njeriut nga administrata publike” dhe te nenit 24 të ligjit nr.8454 dt. 04.02.1999 “Për Avokatin e Popullit”,

                                   R E K O M A N D O J M E

1.      1. Të hartohet drafti i Vendimit të Këshillit të Ministrave për kriteret e shpërblimit të punës së të dënuarve dhe të dërgohet për miratim në Keshillin e Ministrave.

2.      2. Për masat e marra lutemi të njoftohemi zyrtarisht brenda 30 diteve.

                                                                                                                                                            AVOKATI  I  POPULLIT

         Ermir DOBJANI