Gjate kryerjes se detyres sone Kushtetuese per mbrojtjen e te drejtave, lirive dhe interesave te ligjshme te individeve nga veprimet dhe mosveprimet e paligjshme e te parregullta te organeve te administrates publike, kemi ndeshur mjaft raste qe organet e ndryshme te administrates publike nuk zbatojne kerkesat e ligjit nr.8503, date 30.06.1999 “Per te drejten e informimit per dokumentet zyrtare”, i cili rregullon kete te drejte qe eshte parashikuar nga neni 23 i Kushtetutes se Republikes se Shqiperise.

Keshtu ka raste qe qytetareve nuk u jepen informacionet ose dokumentet zyrtare qe kerkojne, nuk u krijohen lehtesi per t’i marre apo informuar etj. Ne rastet qe kemi patur ankesa ne kemi nderhyre per realizimin e te drejtave te tyre.

Keto shkelje te Kushtetutes dhe ligjeve jane rrjedhoje jo vetem te mendesive te vjetra, qe e shikonte individin ne sherbim te shtetit dhe jo ashtu siç e trajton sistemi demokratik: Administraten publike ne sherbim te

individit; por kaq negativisht ndikon edhe mosnjohja si dhe sa duhet e Kushtetutes dhe ligjit “Per te drejten e Informimit per dokumentet zyrtare”, megjithese ky ligj ka rreth nje vit qe ka hyre ne fuqi.

Per te bere te mundur qe individet te realizojne te drejten e tyre kushtetuese per t’u informuar, nder te tjera, ky ligj ne nenin 6 te tij, ka vendosur detyrimin e çdo autoriteti publik (çdo organ i administrates shteterore dhe i enteve publike) qe te nxjerre rregullore dhe te krijoje lehtesi strukturore e praktike per marrjen nga ana e publikut, ne menyre te sakte, te plote, te pershtatshme e te shpejte te informacionit per dokumentet zyrtare. Po keshtu, sipas nenit 8 te ketij ligji çdo autoritet publik eshte i detyruar te beje publike dhe te shumefishoje vete, ne sasi te mjaftueshme dhe me formate te pershtatshme, dokumente qe lehtesojne informimin e publikut per:

a)    vendosjen e organeve qendrore dhe vendore, vendet, si dhe emrat e punonjesve nga te cilet publiku mund te marre informacion, te paraqese kerkesa apo te marre pergjigje;

b)     rregullat, procedurat dhe menyrat se si mund te merren formularet e ndryshem, shpjegime per qellimin dhe permbajtjen e tyre apo te dokumentave dhe te vertetimeve te nevojshme per plotesimin e formulareve;

c)     rregullat e pergjithshme ligjore, sipas te cilave vepron autoriteti publik, politikat e pergjithshme, qe zbaton autoriteti publik, si dhe ndryshimet e bera ne to;

d)    shpjegimet e detajuara per metodat dhe procedurat e punes se autoritetit publik.

Duke qene se sipas nenit 18 te ligjit nr.8503 date 30.06.1999 “Per te drejten e informimit per dokumentet zyrtare” Avokati i Popullit kujdeset per zbatimin e ketij ligji, ne zbatim te kompetencave tona te parashikuara nga nenet 21, 22 e 24 te ligjit nr.8454 date 04.02.1999 “Per Avokatin e Popullit”

REKOMANDOJME

1.     Te nxirret Rregullorja perkatese e Institucionit tuaj dhe te krijohen te gjitha lehtesite strukturore dhe praktike per marrjen nga ana e publikut te informacionit per dokumentet zyrtare.

2.     Kjo Rregullore t’u dergohet per zbatim te gjitha autoriteteve publike ose njesive administrative qe jane ne varesine tuaj.

3.     Per masat e ndermarra, lutemi te vihemi ne dijeni brenda 30 diteve.

Duke besuar ne mirekuptimin tuaj,

                                                 AVOKATI  I  POPULLIT

    Ermir DOBJANI