Te nderuar Zoterinj,

Ne institucionin tone kane bere ankesa disa ish punonjes policie te cilet jane nxjerre ne lirim per shkak te reformes se bere ne Policine e Shtetit. Pas nxjerrjes ne lirim ata jane trajtuar me pagese kalimtare deri me 30 Qershor 2009 ne baze te ligjit nr. 8661, dt. 18.09.2000 “Per sigurimin shoqeror suplementar te punonjesve te Policise se Shtetit”. Pas muajit qershor atyre ju eshte nderprere pagesa kalimtare per shkak te hyrjes ne fuqi te ligjit te ri, nr. 10142, dt. 15.05.2009 “Per sigurimin shoqeror suplementar te ushtarakeve te Forcave te Armatosura, te punonjesve te Policise se Shtetit, te Gardes se Republikes, te Sherbimit Informativ te Shtetit,  te Policise se Burgjeve, te Policise se Mbrojtjes nga Zjarri dhe Shpetimin e te punonjesve te Sherbimit te Kontrollit te Brendshem ne Republiken e Shqiperise”, i cili e ka ulur kohen e trajtimit me pagese kalimtare nga tre vjet, ne dy vjet. Pas nderprerjes se pageses kalimtare, meqenese ankuesit i plotesonin kriteret ligjore per te perfituar pensionin e parakohshem per vjetersi sherbimi, kane plotesuar e dorezuar dokumentacionin e nevojshem per te perfituar kete pension. Mirepo, megjithse dokumentacioni i tyre eshte derguar ne institucionet perkatese, ata nuk jane trajtuar me pagese per me shume se tre muaj. Gjithashtu ankuesit na shkruajne se per shkak te mos pageses ata jane vene ne veshtiresi financiare. Dikush prej tyre ka marre kredi ne banke dhe nuk ka te ardhura per te shlyer kestet e saj, ndersa disa te tjere nuk kane asnje burim tjeter te ardhurash ne familje per te jetuar.

Ne baze te kerkeses tone, Drejtori i Pergjithshem i Policise se Shtetit me shkresen Nr. 5511 Prot., dt. 29.09.2009 na ktheu pergjigje per kete shqetesim te ngritur nga ankuesit. Midis te tjerave ai na ka sqaruar se, kjo kategori ish punonjes te policise nuk eshte trajtuar akoma me pension te parakohshem, sepse ne baze te paragrafit 2 dhe 3 te nenit 4, te ligjit nr. 10142, dt. 15.05.2009 “Per sigurimin shoqeror suplementar te ushtarakeve te Forcave te Armatosura, te punonjesve te Policise se Shtetit, te Gardes se Republikes, te Sherbimit Informativ te Shtetit,  te Policise se Burgjeve, te Policise se Mbrojtjes nga Zjarri dhe Shpetimin e te punonjesve te Sherbimit te Kontrollit te Brendshem ne Republiken e Shqiperise”, per te perfituar nga ky ligj duhet te percaktohet paga referuese. Pagat referuese te njesuara dhe rregullat e llogaritjes se pages mesatare referuse per te gjithe karrieren percaktohen me vendim te Keshillit te Ministrave.

Institucioni yne, mospagimin e kesaj kategorie personash per nje priudhe kohore per me shume se tre muaj dhe per me teper kur nuk dihet akoma se kur do te rifilloje pagimi i tyre, e konsideron si nje qendrim te padrejte te organeve te administrates publike dhe njekohesisht si shkelje te te drejtave te tyre ekonomiko-financiare te parashikuara ne ligj dhe konkretisht ne nenet 7, germa “d”, 13 dhe 14 te ligjit nr. 10142, dt. 15.05.2009. Gjithashtu ju kujtojme se nxjerrja e ketij akti nenligjor nga Keshilli i Ministrave eshte edhe nje detyrim i parashikuar ne nenin 30 te ketij ligji. Me qellim qe te mos krijoheshin pengesa ne zbatimin e ligjit, VKM-ja duhet te ishte nxjerre menjehere pas hyrjes ne fuqi te tij, me dt. 28.06.2009.

Per te bere te mundur zgjidhjen e ketij problemi, bazuar ne piken 3 te nenit 63 te Kushtetutes tone qe thote se: “Avokati i Popullit ka te drejte te beje rekomandime dhe te propozoje masa kur veren shkelje te te drejtave dhe lirive te njeriut nga administrata publike” dhe nenit nenit 21, germa "b” te ligjit nr. 8454, dt. 04.02.1999, i ndryshuar, ku thuhet se: “Pas perfundimit te hetimit, Avokati i Popullit paraqet rekomandime per venien ne vend te se drejtes se shkelur tek organi administrativ, qe, sipas tij ka shkaktuar shkelje te te drejtave dhe lirive” Ju,

R E K O M A N D O J M E

Pergatitjen e menjehershme te projektit te VKM-se “Per pagat referuese te njesuara dhe rregullat e llogaritjes se pages mesatare referuse per te gjithe karrieren” dhe dergimin e tij per miratim ne Keshillin e Ministrave, ne baze dhe per zbatim te neneve 4 dhe 30 te ligjit nr. 10142, dt. 15.05.2009 “Per sigurimin shoqeror suplementar te ushtarakeve te Forcave te Armatosura, te punonjesve te Policise se Shtetit, te Gardes se Republikes, te Sherbimit Informativ te Shtetit,  te Policise se Burgjeve, te Policise se Mbrojtjes nga Zjarri dhe Shpetimin e te punonjesve te Sherbimit te Kontrollit te Brendshem ne Republiken e Shqiperise”,.

Per masat qe do te merrni ne zbatim te ketij rekomandimi, lutemi te na ktheni pergjigje brenda afatit ligjor prej 30 ditesh te parashikuar nga neni 22 i ligjit “Per Avokatin e Popullit”.

            Faleminderit paraprakisht per mirekuptimin Tuaj,

                                                           Me respekt

AVOKATI  I  POPULLIT

        Ermir  DOBJANI