Tiranë, më 07/04/2004

Nr.   K3/P37-7   Prot.

Nr. Dok 200301918/7  

Lenda:        Kerkese per shfuqizimin e vendimit te Rektorit te Universitetit Politeknik Tirane dhe dhenien e diplomes z.Perparim TAFHASI

Drejtuar:    Ministrit te Arsimit dhe Shkences,

                                                                   TIRANË

            I nderuar z. Minister,

Prane Institucionit te Avokatit te Popullit z. Perparim Tafhasi, ka derguar nje ankese per sa vijon;

          Ka filluar studimet e larta, dega Elektronike, ne vitin 1997 dhe i ka mbaruar ne korrik te vitit 2003. Ankuesi ka shkuar per te marre diplomen prane Fakultetit ku ka studiuar, por sikunder ai pretendon nga ana e Rektorit te ketij fakulteti i eshte thene se duhet te sjelle nje fotografi pa mjeker qe te marre diplomen. Gjithmone sipas tij, pengesa i nxirret per arsye te besimit fetar qe ai praktikon.

          Per sa me lart, ankuesi ka kerkuar nderhyrjen e Institucionit te Avokatit te Popullit, per t’i dhene diplomen e tij qe verteton se eshte diplomuar ne profesionin e inxhinierit.

Lidhur me kete ceshtje, Avokati i Popullit, ndermori nje proçes hetimi.

Keshtu i kemi parashtruar Rektorit te Universitetit Politeknik pretendimet e z. Perparim Tafhasi si me shkrim dhe ne takime te realizuara me te.

Rektori eshte shprehur negativisht per dhenien e diplomes, duke qene fotoja e diplomantit me mjeker, duke argumentuar se shkolla eshte laike. Pra elementi pengues per dhenien e diplomes, eshte çeshtja e besimit qe praktikon studenti, e shprehur ne mjekren qe mban dhe e pasqyruar ne foton qe ka dorezuar ne fakultet per te plotesuar diplomen qe meriton.

Duke e konsideruar kete veprim nje shkelje te hapur dhe te rende te te drejtave te njeriut dhe duke patur parasysh se dhe ne raste te tjera te ngjashme nderhyrja e Institucionit te Avokatit te Popullit ka rezultuar e sukseshme pikerisht per argumentimet ligjore qe kemi ndjekur, duke bindur fakultetet apo rektoratet perkatese p.sh. te Universitetit te Tiranes ne dhenien e diplomave ne raste analoge, iu ridrejtuam Rektorit me rekomandim qe t’i jape ankuesit diplomen e tij sepse;

-Arsyetimi i refuzimit nga ana e Rektorit eshte mbeshtetur ne nenin 1 te Ligjit “Per Arsimin e Larte ne Republiken e Shqiperise”, ku thuhet “Arsimi i larte publik eshte laik”.

Por termi “laik” do te thote qe Arsimi nuk ka permbajtje fetare ne programe, nuk ben propagande fetare dhe nuk ben diskriminime fetare ne pranimin e studenteve duke u bazuar ne perkatesite fetare te tyre. Laicizmi normalisht nenkupton laicizmin e institucionit dhe te programeve mesimore dhe jo te individeve te cilet jane te lire ne besimet e tyre.

-Arsyetimi tjeter i dhene nga Rektori me shkresen nr.1188/1 date 29.12.2003, se kerkuesi nuk ka te njejten pamje ne fotografine per diplome me ate te pashaportes nuk perben aspak pengese ligjore per paisjen e studentit me diplome. Si dhe per te gjithe studentet e tjere nuk eshte e thene qe studentin ta shoqeroje e njejta pamje nga momenti i pranimit ne fakultet me ate te mbarimit te shkolles, aq me teper po te kemi parasysh qe behet fjale per nje periudhe 4-5 vjecare.

-Nje argument me teper i dhene nga Rektori se Universiteti si perfaqesues i shtetit e ka per detyre morale e ligjore te mbroje interesat e shtetit dhe te individeve, pa patur parasysh besimin e tyre fetar perseri nuk qendron sepse ne Kushtetuten e Republikes se Shqiperise, neni 10 thuhet shprehimisht;

“1. Në Republikën e Shqipërisë nuk ka fe zyrtare.

 2. Shteti është asnjanës në çështjet e besimit e të ndërgjegjes dhe garanton lirinë e shprehjes së tyre në jetën publike”.

Pra sic mund te kuptohet nga dispozita e siperpermendur shteti edhe pse asnjanjes, garanton lirine e shprehjes se besimit ne jeten publike te individeve.

Nga ana tjeter neni 24 i Kushtetutes tone percakton se liria e fese eshte e garantuar. Kjo perfshin te drejten per te shprehur besimin me ane te praktikave dhe kryerjes se ritualeve. Mohimi i kesaj te drejte do te ishte jokushtetues, prandaj dhe te mos i japesh diplomen nje studenti sepse mban mjeker ne fotografi perben nje diskriminim fetar, duke ju referuar nenit 18 te kushtetutes tone.

Duke ju referuar ne kete rast dokumentave nderkombetare te ratifikuar nga vendi yne, nga shqyrtimi ceshtjes rezultoi se, ne Konventen Europiane te te Drejtave te Njeriut, ne nenin 9 te saj percaktohet se: “Cdo person ka te drejten e lirise se mendimit, ndergjegjes dhe te fese; kjo e drejte nenkupton lirine per te ndryshuar fene ose bindjet, si dhe lirine per te shfaqur fene e tij ose bindjet e tij individualisht ose kolektivisht, publikisht ose privatisht, nepermjet kultit, arsimit, praktikave dhe kryerjes se riteve. Liria e shfaqjes se fese se tij ose e bindjeve te tij mund te behet objekt i kufizimeve te tjera nga ato qe, te parashikuara me ligj, perbejne masat e nevojshme ne nje shoqeri demokratike, per sigurimin publik, per mbrojtjen e rendit, te shendetit ose te moralit publik, ose per mbrojtjen e rendit dhe te lirive te te tjereve”.

Sipas kesaj Konvente, liria e mendimit, e ndergjegjes dhe e besimit perbejne bazat e “shoqerise demokratike”, por kjo liri nuk eshte e pakufizuar. Vecse keto kufizime s’mund te lihen te percaktohen nga Rektoret e shkollave, por kufizimet mund te percaktohen vetem me ligj. Deri tani nuk rezulton te kete ndonje ligj ne Republiken e Shqiperise qe te mos lejoje dhenien e diplomave ne qofte se studentet kane mjeker apo ferexhe.

Duhet te theksojme ketu se ekziston dhe parimi i pergjithshem i se drejtes, se ajo qe nuk pengohet shprehimisht me ligj lejohet. Dhe ne rastin konkret rezulton se nuk ka klauzola direkte ligjore per te penguar studentin ne marrjen e diplomes, ne qofte se fotoja e tij eshte me mjeker.

Duke e konsideruar qendrimin e Rektorit negativ, te shprehur me shkresen nr.98/1 prot, date.28.01.2004 si ndaj rekomandimit tone dhe ndaj studentit ne menyre verbale, themi se kemi te bejme me nje akt administrativ individual te paligjshem, i cili ka krijuar pasoja juridike per z. Tafhasi.

Nenvizojme se konform Kodit te Procedurave Administrative konsiderohen akte administrative te gjitha vendimet e organeve te administrates publike, te cilat krijojne pasoja juridike ne raste individuale.

Ne vijueshmeri, referuar nenit 124 te Kodit te Proçedures Administrative, percaktohet se;

“Me perjashtim te rasteve kur me ligj parashikohet ndryshe, e drejta per te revokuar aktin i takon organit qe e ka nxjerre ate, ndersa shfuqizimi i aktit eshte pregorativ i organit epror”.

Ne Ligjin nr.8461, date 25.02.1999, “Per Arsimin e Larte ne Republiken e Shqiperise”, neni 40 i tij, percaktohet se;

“Ministria e Arsimit dhe Shkencës kryen kontrollin e zbatimit të ligjshmërisë në shkollat e larta.

Ministria e Arsimit dhe Shkencës ka të drejtë të shfuqizojë çdo akt të nxjerrë nga senati i shkollës së lartë universitare, nga këshilli i shkollës së lartë jouniversitare, rektori ose drejtori i tyre, në rastet kur këto akte janë në kundërshtim me ligjin”. Pra Ministri i Arsimit eshte organi kompetent per shfuqizimin e vendimit te Rektorit.

            Per te gjitha arsyet e lartpermendura, duke patur parasysh se nuk egzistojne pengesat ligjore per pajisjen me diplome te ankuesit Perparim Tafhasi, dhe ne mbeshtetje te pikes 3, te nenit 63, te Kushtetutes se Republikes se Shqiperise dhe te nenit 21/c te Ligjit Nr.8454 date 4.02.1999 “Per Avokatin e Popullit”, ku percaktohet se;

Pas perfundimit te hetimit, Avokati i Popullit kryen keto veprime:

c) paraqet rekomandime per marrje masash per venien ne vend te se drejtes se shkelur tek organi epror i organit qe ka shkaktuar shkeljen…,

R E K O M A N D O J M E

Shfuqizimin e vendimit te Rektorit te Universitetit Politeknik te Tiranes, vendim i shprehur me shkresen nr.98/1Prot, date 28.1.2004, drejtuar Avokatit te Popullit dhe dhenien e urdherit per pajisjen me diplomen perkatese te qytetarit Perparim Abdurrahman Tafhasi.

Ne perputhje me nenin 22, te Ligjit Nr.8454 date 4.02.1999 “Per Avokatin e Popullit”, ku thuhet se:

“Organet te cilave Avokati i Popullit u ka drejtuar nje rekomandim, kerkese apo propozim per shkarkim, duhet ta shqyrtojne rekomandimin, kerkesen apo propozimin per shkarkim dhe te kthejne pergjigje brenda 30 ditesh nga data e dergimit te rekomandimit, kerkeses apo propozimit per shkarkim.

Pergjigja duhet te permbaje shpjegime te arsyetuara per çeshtjen ne fjale, si dhe çfare veprimesh, mosveprimesh apo masash ka ndermarre ai organ”, lutemi na njoftoni qendrimin Tuaj.

Bashkengjitur materialet ndihmuese per gjykimin Tuaj mbi kete çeshtje.

            Duke besuar ne mirekuptimin tuaj.

                                                               AVOKATI  I  POPULLIT

         ERMIR DOBJANI