Sipas pikës 3 të nenit 45 të Kushtetutës së Republikës së Shqipërisë “Të dënuarit që janë duke vuajtur dënimin me heqie të lirise, kanë vetëm të drejtën për të zgjedhur”.

Në pikën 2 te nenit 62 te ligjit nr.9087, datë 19.06.2003 përcaktohet “Për zgjedhjet dhe referendumet vëndore, dy dite para ditës së votimit, drejtuesi i institucionit te posaçëm përgatit listën e zgjedhësve me vëndbanim në njësinë zgjedhore, ku ndodhet institucioni dhe ia dorëzon atë K.Z.Q.V.-së.

Sipas praktikës së zgjedhjeve te kaluara vëndore te vitit 2003, sipas percaktimit te bere nga kjo dispozitë pjesa me e madhe e të dënuarve u privuan nga e drejta për të zgjedhur. Kjo për arsyen e thjeshtë se ligji ka përcaktuar dhe është zbatuar, që në listën e zgjedhësve, janë përfshire vetëm ata të dënuar që kanë patur vëndbanimin në vëndin ku ndodhej institucioni (burgu).Në praktikë kjo ndodh shumë rrallë për shkak se p.sh. në burgjet e Tiranes ka me qindra të dënuar që e kanë vëndbanimin në qytete të tjera.

Sipas ligjit ekzistues, ata nuk mund te regjistrohen ne listat e zgjedhesve, per rrjedhoje edhe nuk votojne.

Duke pare se vete ligji ne nenin 62 pika 2 eshte bere pengese qe te denuarit te ushtrojnë te drejtën e zgjedhjes që ju njeh Kushtetuta jonë në pikën 3 të nenit 45 të saj, mendojmë se ka vënd për përmiresimin e ligjit nr.9087 datë 19.06.2003, duke bërë zëvendësimin e fjalës “vëndbanim” me “vëndqëndrim”.

Në zbatim të nenit 63 te Kushtetutës që thotë se: “Avokati i Popullit ka të drejtë të bëjë rekomandime dhe të propozojë masa kur vëren shkelje të të drejtave dhe lirive të njeriut nga administrata publike”

R E K O M A N D O J M E

Të mbahet parasysh sa më sipër, edhe në kuadrin e komisionit bipartizan për të bërë të mundur që të gjithë të dënuarit të votojnë, pavaresisht nga vendi i banimit apo vendi i vuajtjes se denimit.

Duke besuar në mirëkuptimin tuaj.

AVOKATI  I  POPULLIT

        Ermir  DOBJANI