Nr. 135/1 Prot.                                        Gjirokaster, me 15/01/2009

Lënda:                            Kthim përgjigje

Drejtuar:                 Avokatit të Popullit Z. Ermir DOBJANI

T I R A N Ë

Në përgjigje të Shkresës K2/860-4, datë 30.12.2008, ardhur nga ana juaj, në të cilën rekomandohet dhënia e masave disiplinore ndaj punonjësve të policisë që kanë urdhëruar shoqërimin në polici të shtetasit Bazo Licaj, po ju informojmë si më poshtë:

Nga ana jonë duke u bazuar në rekomandimet tuaja në lidhje me këtë problem në bazë të analizës së ankesës dhe letrës suaj rezulton se:

Punonjësi i policisë Jorgo Kokoli ka qenë ish Shef Stacioni në Komunën e Dropullit, i cili disa herë ka bërë shoqërimin e shtetasit Bazo Licaj, për konflikt kullotash me shtetasin Stefan Jovani. Nga ana jonë u analizuan të gjitha rastet e shoqërimit si dhe konflikti për problemet e kullotës midis shtetasve të mësipërm dhe në përfundim rezulton se konflikti nuk është kopetenca jonë, por është midis Komunës, Kishës dhe midis palëve dhe u është rekomanduar nga ana jonë zgjidhja e konfliktit të pronësisë nëpërmjet ankimimit në Gjykatë.

Sa sipër në bazë të analizës së bërë dolëm në përfundimin me masë konkrete për Shefin e Stacionit i cili veç kësaj shkelje ka pasur dhe shkelje të tjera disiplinore dhe penale dhe aktualisht është i përjashtuar nga Policia e Shtetit. Gjithashtu në bazë të rekomandimeve të letrës suaj kemi bërë lëvizje të efektivave si dhe u është tërhequr vëmendje të gjithë punonjësve që raste të tilla të mos përsëriten dhe veprimtaria e policisë të jetë e mbështetur në ligj.

Duke ju falenderuar për bashkëpunimin dhe mirëkuptimin

Drejtori i Policisë Qarkut

Drejtues i Parë Arben HYSENI

(firma, vula)