Nr. 7224/3 Prot.                                             Tirane me, 24.12.2009

L ë n d a:    Për vlerësimin e zbatimin e rekomandimeve lidhur me ngjarjen e ndodhur në ambientet e shoqërimit në Komisariatin e Policisë Durrës.

D r e j t u a r:        ERMIR DOBJANI

                          AVOKATI I POPULLIT

T I R A N Ë

I nderuar zoti Avokat i Popullit!

Në vijim Tuajës Nr. K2/sh27-4, datë 04.12.2009, lidhur me rekomandimet për rastin e vetëvarjes së shtetasit Klodian Bushi në ambientet e shoqërimit të Komisariatit të Policisë Durrës më datë 12.11.2009, ju bëjmë me dije se:

Strukturat qendrore të Drejtorisë së Përgjithshme të Policisë, menjëherë pas marrjes dijeni për këtë ngjarje morën masa për verifikimin, trajtimin, analizimin e nxjerrjen e përgjegjësive, duke dërguar një ekip të kryesuar nga Drejtori i Rendit Publik.

Nga analizimi dhe trajtimi i kësaj ngjarje ka rezultuar se strukturat e drejtorisë dhe komisariatit të policisë Durrës, kanë kryer shkelje të rregullave e normave të përcaktuara në aktet ligjore dhe nënligjore, që garantojnë liritë dhe të drejtat e personave në ambientet e mjediset e policisë.

Për këtë qëllim ka filluar procedimi disiplinor për dhënien e masave administrative për punonjësit e policisë përgjegjës për ngjarjen e ndodhur, si:

-    Kryekomisar Isuf Vllasa, me detyrë Shefi i Sektorit të Rendit dhe Sigurisë Publike, në Drejtorinë e Policisë të Qarkut Durrës.

-     Kryekomisar Baki Gjergji, me detyrë Shefi i Sektorit Ekonomik, në Drejtorinë e Policisë të Qarkut Durrës.

-     Komisar Genc Peka, me detyrë Shefi i Seksionit të Rendit dhe Sigurisë Publike, në Komisariatin e Policisë Durrës.

      -    Inspektor Beqir Gjergji, me detyrë Oficer i Patrullës së Përgjithshme, në

            Seksionin e Rendit dhe Sigurisë Publike, në Komisariatin e Policisë Durrës.

Për këtë punonjës policie menjëherë pas ngjarjes, është marrë masa e pezullimit

paraprak.

Duke marrë shkas nga ngjarja e ndodhur, me qëllim marrjen e masave për tu mos u përsëritur raste të tilla, është tërhequr vëmendja gjithë strukturave të policisë vendore duke ju dërguar për njohje e zbatim shkresën nr. 7224/2, datë 08.12.2009 “Përshkrim mbi ngjarjen e ndodhur në ambientet e shoqërimit të Komisariatit të Policisë Durrës, për vetëvarjen e shtetasit Klodian Bushi, më datë 12.11.2009”.

Bashkëlidhur do të gjeni kopje të përshkrimit të sipërpërmendur.

 Duke ju falenderuar për bashkëpunimin dhe mirëkuptimin.

Drejtor i Përgjithshëm

Hysni BURGAJ

(firma, vula)