Nr. 2794/2 ex 05 Prot.                                 Tirane, me 13/02/2006

Lënda: Kthim përgjigje

AVOKATIT TË POPULLIT

Z. ERMIR DOBJANI

T I R A N Ë

Lidhur me sa kërkohet me tuajën nr.K2/Z1-14, dt.03.02.2006, megjithëse nga ana jonë është kthyer përgjigje më datë 28.06.2005, ju bëjmë me dije se:

Në ligjin nr.8328 datë 24.04.1998 “Për të drejtat dhe trajtimin e të dënuarve me burgim”, respektivisht në nenet 34, 35 dhe 63 të tij nuk bëhet fjalë për njohjen e ditëve të punës të kryera nga të dënuarit për efekt të shlyrjes së dënimit.

Ashtu si kundër jeni në dijeni edhe gjykata për rastet kur ato janë bërë objekt shqyrtimi gjyqësor mbi kërkesën e të dënuarve, kanë mbajtur qëndrim duke rrëzuar kërkesat për njohjen si ditë të vuajtjes së dënimit, ditët e punës të kryer nga të dënuarit.

Në rrethanat e mësipërme, qëndrimi i mbajtur nga ana jonë është i bazuar në ligj.

Gjithësesi, jemi dakord me rekomandimin tuaj për domosdoshmërinë e nxjerrjes së akteve ligjore ose nënligjore për të qartësuar më mirë këtë situatë.

PROKURORI I PËRGJITHSHËM

THEODHORI SOLLAKU

(firma, vula)