Nr. 2301/1 Prot.                                                                     Tiranë, më 10/11/2005

Lenda :    Mbi vleresimin e rekomandimeve Tuaja, per rregullat e shoqerimit te shtetasve ne organet e policise.  

ZOTIT : ERMIR DOBJANI

                                                                            AVOKATI I POPULLIT

         T i r a n e

Zoti Avokat i Popullit,

Ne pergjigje Tuajes, Nr. K2/sh 30-3, date 13.10.2005 dhe te shkreses se dates 28.06.2005, ku propozoni shfuqizimin e Udhezimit te Ministrit te Rendit Publik Nr. 168, date 20.10.1993 “Per rregullat e shoqerimit te shtetasve ne Komisariate, Reparte, Posta te Policise dhe zyra te tjera te tyre” dhe permiresimin e kushteve ne dhomat e pritjes se publikut dhe te qendrimit te shtetasve te shoqeruar, ju bejme me dije se :

Ministria e Brendshme dhe Drejtoria e Pergjithshme e Policise se Shtetit kane vleresuar rekamandimet Tuaja dhe ne vazhdimesi kane marre te gjitha masat e duhura persa i perket respektimit te te drejtave te shtetasve qe shoqerohen ne organet e policise, rregullimit dhe permiresimit te kushteve higjenosanitare ne dhomat e pritjes, ne dhomat e qendrimit te shtetasve te shoqeruar dhe te zyrave te punonjesve te policise qe ngarkohen per te punuar me keta shtetas.

Per kete, eshte hartuar dhe derguar strukturave vendore te Policise se Shtetit Leterporosia Nr. 481, date 11.08.2005 “Per nje kuptim dhe zbatim sa me te drejte per shoqerimin e shtetasve ne organet e policise”, ku jane percaktuar dhe zbatuar detyra per krijimin e kushteve te pershtatshme te ambienteve te pritjes, rregullimin, lyerjen, pastrimin, ajrimin e dhomave te qendrimit te shtetasve te shoqeruar, vendosjen ne to te stolave per tu ulur dhe te marrjes se masave per garantimin e jetes dhe sigurise se tyre ne keto ambiente, per krijimin e nyjeve hirdosanitare, per lejimin e takimit te tyre me mbrojtesit ligjor, per mosperdorimin e forces jashte kufijve ligjore dhe te pa bazuar, etj.

Me Urdher te Ministrit te Rendit Publik Nr. 1749, date 29.07.2005, eshte miratuar “Rregullorja e Sherbimeve te Policise Shtetit", e cila shfuqizon Udhezimin e Ministrit te Rendit Publik Nr.168, date 20.10.1993 “Per rregullat e shoqerimit te shtetasve ne Komisariate, Reparte, Posta te Policise dhe zyra te tjera te tyre”.

Rregullat dhe procedurat per shoqerimin e shtetasve ne organet e policise jane te percaktuara ne nenet 61 -70, kreu XII i Rregullores se Sherbimeve te Policise Shtetit, miratuar me Urdherin Nr. 1749, date 29.07.2005 te Ministrit te Rendit Publik.

Duke vleresuar mirekuptimin dhe bashkepunimin Tuaj.

M I N I S T R I

Sokol OLLDASHI

(firma, vula)