Nr. 2207/1 Prot.                                         Tiranë, më 11.03.2008

AVOKATIT TE POPULLIT

(Seksionit te Administrates)

  TIRANE

Ne pergjigje te shkreses nr. K3 / A 148-5, date 26.02.2008, lidhur me shqetesimin e paraqitur prane institucionit tuaj nga shtetasi A. D., per mosperfshirjen e tij si aksioner i shoqerise Albtelecom sh.a, sqarojme per sa vijon :

Sipas Ligjit Nr.8810, date 17.05.2001 "Per percaktimin e formes dhe te struktures se formules se privatizimit te shoqerise anonime "Albtelecom", punonjesve te "Albtelecom" sha u ofrohet paketa e mbetur pas shitjes se paketes investitoreve strategjike, me ane te shkembimit te aksioneve me bonot e privatizimit te zoteruara prej tyre.

Ne zbatim te ligjit te mesiperm, me urdherin nr. 547, date 02.08.2007, Ministri i Ekonomise, Tregtise dhe Energjetikes urdheroi fillimin e procedures per llogaritjen e paketes se aksioneve per punonjesit e shoqerise Albtelecom sh.a, procedure qe realizohet nga Drejtoria e Administrimit dhe Shitjes se Prones Publike prane Ministrise se Financave, ne bashkepunim me shoqerine Albtelecom.

Ne vijim te procedurave per llogaritjen e kesaj pakete, prane Ministrise se Ekonomise, Tregtise dhe Energjetikes u paraqiten ankesa nga shume punonjes, te cilet pretendonin qe per arsye nga me te ndryshmet, padrejtesisht nuk figuronin ne listen e derguar ne Drejtorine e Administrimit dhe Shitjes se Prones Publike prane Ministrise se Financave, per tu perfshire si aksionere te shoqerise.

Ne keto kushte, ne zbatim te VKM nr.119, date 18. 3. 2000 "Per procedurat e privatizimit me ankand te paketave shteterore te aksioneve te shoqerive tregtare, qe veprojne ne sektoret jostrategjike", te ndryshuar, kapitulli I, pika D.4, me qellim qe punonjesve te shoqerise te mos u mohohet e drejta per te perfituar aksione, Ministri i Ekonomise, Tregtise dhe Energjetikes, me urdherin nr.133, date 26.02.2008, urdheroi te behet nje publikim i dyte per shitjen e paketes se aksioneve per punonjesit e shoqerise te Albtelecom sh.a.

Sa me siper, mendojme qe nga ana e Ministrise se Ekonomise, Tregtise dhe Energjetikes jane ndermarre te gjitha hapat qe parashikon ligji, per te bere te mundur perfshirjen e punonjesve te Albtelecom sh.a si aksionere te saj.

Duke shpresuar te kemi dhene shpjegimet e kerkuara, ju falenderojme per bashkepunimin dhe mirekuptimin.

                                                                                      MINISTRI

                                                                   GENC RULI

                                                                      (firma, vula)