Nr. 1744/1 Prot.                                                                     Tiranë, më 06/12/2005

Lenda: Pergjigje T’uajes nr. 72/12, date 25.11.2005

Drejtuar: Z. ERMIR DOBJANI

AVOKAT I POPULLIT

TIRANE

Duke shprehur konsideraten per rolin e rendesishem te Avokatit te Popullit si dhe frymen e bashkepunimit midis dy institucioneve, me lejoni t'ju informoj rreth masave te marra nga ERT per rregullimin e tregut te telekomunikacioneve ne pergjithesi dhe te tarifave te sherbimeve telefonike mobile.

Siç jeni informuar, kontrolli i tarifave te operatoreve mobile eshte nje praktike jo standarde edhe per vende te zhvilluar, ndaj kerkon specializim e besueshmeri, per te pasur sa me pak kontestime nga operatoret. Per te realizuar kete proces mjaft kompleks, ERT po punon ne disa drejtime. Me miratimin e buxhetit te vitit 2005, u shpall ne muajin Mars tender i hapur nderkombetar per hartimin e nje metodologjie te rregullimit te tarifave ne pergjthesi dhe, ne veçanti te sherbimeve mobile. Ne kete asistence nderkombetare perfshihen dhe disa çeshtje te tjera qe lidhen me liberalizimin e tregut te telekomunikacioneve, te cilat ndikojne drejperdrejt ne rritjen e konkurrences. Procedurat lidhur me asistencen nderkombetare po vijojne normalisht sipas afateve ligjore. Kompania konsultuese duhet te dorezoje materialin brenda vitit 2005. Ne vijim eshte parashikuar kosultimi me grupet e interesit, dhe metodologjia e rregullimit te tarifave do te kaloje per miratim ne Keshillin e Ministrave.

Si hap i dyte ne kete proces ishte vendimi i ERT per percaktimin e AMC sh.a dhe Vodafone Albania sh.a, “Organizem me Fuqi te Ndjeshme ne Tregun e Telekomunikacioneve”. Siç dhe jeni ne dijeni, vazhdimi i metejshem i procedurave nga ana e ERT u pengua per shkak se vendimi i saj per shpalljen OFNT te dy operatoreve mobile u kundershtua ne rruge gjyqesore. Pas nje maratone gjyqesh, ERT ka fituar procesin me AMC ne shkalle te dyte, nderkohe qe Vodafone ka terhequr akt-padine per kete çeshtje. Veprimtaria rregullatore e ERT eshte veshtiresuar edhe per shkak te disa proceseve te tjere gjyqesore, qe vazhdojne prej muajsh.

Aktualisht ERT ka pergatitur nje procedure te re per shpalljen OFNT dhe po punon per analizen e tregut. Me perfundimin e procedurave perkatese do te behet rishpallja OFNT e dy operatoreve mobile. Synimi eshte qe kjo pakete masash te perfundoje paralelisht, ne menyre qe edhe nderhyrja e ERT ne treg te jete efektive.

Lidhur me marreveshjet e interkoneksionit, ERT i ka shqyrtuar ato dhe ka bere rekomandimet perkatese. Ulja e tarifave te terminimit ne rrjetin mobile me 30 per qind eshte transferuar si efekt ne tarifat e perdoruesit.

Duke ju falenderuar, shprehemi te hapur per bashkepunim te metejshem.

KRYETAR I KESHILLIT DREJTUES

               HYDAJET KOPANI

                                                                                  (firma, vula)