Nr. 5170/1 Prot.                                        Elbasan, me 03/12/2008

L ë n d a :  Informacion “Mbi marrjen e masave dhe të detyrave të kryera në zbatim të rekomandimeve të Avokatit të Popullit”

Drejtuar:                                Institucionit të Avokatit të Popullit

T I R A N  Ë

Në zbatim të rekomandimeve të lëna nga Institucioni JUAJ gjatë një inspektimi të bërë në Komisariatin e Policisë Elbasan më datë 18.07.2008 në ambjentet e qëndrimit të personave të shoqëruar, në ambjentet ku mbahen të arrestuarit e të ndaluarit dhe në ambjentet e pritjes së shërbimit ndaj publikut për aplikimet për pajisje me pasaportë për jashtë ju bëjmë me dije se:

Nga ana e Drejtorisë Policisë Qarkut Elbasan me qëllim marrjen e masave për garantimin e lirive dhe të drejtave të shtetasve të shoqëruar, ndaluar apo arrestuar për shkeljet e konstatuara në Komisariatin e Policisë Elbasan, janë kryer këto detyra dhe janë marrë këto masa:

·     Materiali i ardhur “Për marrjen e masave dhe të detyrave të kryera në zbatim të rekomandimeve të Avokatit të Popullit” u punua me listë njohje me të gjithë efektivat e policisë së rendit në Drejtori të Policisë së Qarkut dhe në Komisariatet e Policisë vartëse.

·     Për zbatimin e këtij materiali shkresor u njoh dhe Sektori i Mbështetjes Logjistike dhe mori masat për zbatimin e detyrave të ngarkuara për të.

·     Nga dy dhoma për mbajtjen e personave të shoqëruar u morën masa dhe tani funksionojnë tre të tilla, me qëllim veçimin e shtetasve të mitur apo personat femra. Kushtet në këto dhoma janë përmirësuar duke zbatuar kriteret që ato duhet të kenë. U vendosën stola dhe tavolina për qëndrimin ulur dhe në kushte normale të shtetasve të shoqëruar.

·     U realizua lyerja dhe disifektimi i plotë i këtyre ambjenteve, gjithashtu bëhet pastrimi çdo ditë i tyre me qëllim sigurimin e kushteve normale për mbajtjen e shtetasve të shoqëruar.

·     U bë përmirësimi i kushteve në ambjentet e pritjes së shërbimit ndaj publikut për aplikimin për pajisje me pasaportë për jashtë shtetit.

·     Përmirësime të kushteve në dhomat e shoqërimit ekzistuese janë realizuar dhe në komisariatet vartëse si, Librazhd, Gramsh dhe Peqin.

Theksojmë se për të bërë të mundur përmbushjen e detyrimeve të përcaktuar në pikat 2 dhe 3 të nenit 101 dhe të pikës 3 të nenit 107 të ligjit “Për Policinë e Shtetit” kërkohen ambjente të reja të standarteve të kërkuara, ku për ndërtimin e tyre në të katër komisariatet vartëse duhen projekte dhe investime financiare.

Duke ju falenderuar për mirëkuptimin

D R E J T O R I

Kryekomisar Aleks HAJDARI

(firma, vula)