I nderuar z. Minister!

Deshirojme T’ju sjellim ne vemendje nje problem shume te rendesishem qe eshte ngritur nga Institucioni yne per pese vite rresht, duke filluar qe nga viti 2002. Ky problem lidhet me propozimin tone per ndryshimin dhe permiresimin e Vendimit te K.M Nr. 552, date 27.11.1999 “Per trajtimin ekonomik e financiar te familjeve te punonjesve te policise te vrare apo plagosur per shkak te detyres”, duke i shtrire efektet e zbatimit te tij nga data 01 Janar 1991.

Propozimi yne, i cili eshte bere publik edhe ne raportet vjetore te Avokatit te Popullit te paraqitura ne Parlament, eshte vleresuar nga ish Kryeministri Nano dhe disa ish Ministra te Rendit Publik dhe prej tyre na u premtua se problemi ne fjale do te gjente rregullim ligjor. Mirepo, megjithe interesimin e vazhdueshem qe kemi bere prane Kabinetit te ish Kryeministrit dhe M.R.Publik, perseri problemi nuk gjeti zgjidhje konkrete.

Pas ardhjes ne pushtet te Partise Demokratike, propozimi yne iu perserit Kryeministrit Berisha me shkresen tone Nr. K2/F47-3 Prot., dt. 02.11.2005 dhe me pas per kete problem i jane derguar edhe dy shkresa te tjera, respektivisht me Nr. K2/47-6 Prot., dt. 12.04.2006 dhe Nr. K2/F47-7 Prot., dt. 19.09.2006.

Me nderhyrjen e Kryeministrit Berisha, problemi u vu ne levizje dhe nga Ministria e Brendshme u pergatit projekt-vendimin perkates dhe iu dergua Keshillit te Ministrave, ndersa nje kopje e tij na u dergua edhe neve. Problemi ne fjale u ndoq me prioritet nga ish Zv.Ministri i Brendshem z. Gjergj Lezhja dhe Drejtori i Pergjithshem z. Isuf Çelaj, mirepo megjith perkushtimin e tyre perseri projekt-vendimi ngeli pa u miratuar.

Kohet e fundit nga Kryeministria, Drejtoria e Marredhenieve me Publikun, na erdhi nje njoftim me shkresen Nr. 17/997 Prot., dt. 15.03.2007, nepermjet te cilit informohemi se Kryeministri ka dhene porosi Ministrise se Brendshme qe propozimi yne te merret ne konsiderate.

          Persa me siper kerkojme angazhimin Tuaj per nxitjen dhe zgjidhjen e ketij problemi me rendesi morale e sociale per familjet e policeve qe kane humbur jeten ne detyre gjate viteve 1991-1998.

          Bashkelidhur po Ju dergojme edhe fotokopje te disa shkresave qe lidhen me kete çeshtje.

     Duke besuar ne mirekuptimin Tuaj, lutemi na vini ne dijeni per angazhimin Tuaj.

                                                           Me respekt

AVOKATI  I  POPULLIT

        Ermir  DOBJANI