Ne institucionin tone kane ardhur ankesat e shtetasve Marinela Çelmeta, Mimoza Likcani dhe Egon Velaj. Ata na shkruajne se kete vit kane konkuruar ne Akademine e Policise “Arben Zylyftari” dhe ne perfundim te konkurimit kane mare respektivisht, Marinela 144 pike, duke u renditur e 6-ta ne listen per vajzat; Mimoza 143 pike, duke u renditur e 8-ta ne listen per vajzat dhe Egoni 267 pike, duke u renditur i 48-ti. Sipas ankuesve, nga ana e Akademise se Policise, para konkurimit ishte njoftuar se do te pranoheshin 40 djem dhe 10 vajza. Me pas numri i studenteve qe do te pranoheshin ne Akademi u shtua edhe me 15 studente te tjere. Megjithese ne baze te kritereve te percaktuara ne V.K.Ministrave dhe ne Rregulloren e Akademise, ata duhet te ishin pranuar ne Akademi, ne fakt nuk ka ndodhur keshtu. Ne vend te tyre jane pranuar persona te tjere, te cilat ne konkurim kane mare me pak pike se sa ankuesit. Pranimi i ankuesve nuk u be edhe pas shtesave prej 15 studentesh te bera me V.K.Ministrave. Ata pretendojne se atyre ju jane shkelur hapur te drejtat ligjore dhe se pranimi i studenteve te cilet ne konkurim moren me pak pike se sa ata eshte bere mbi baza te paligjeshme miqesore dhe rushfeti te zyrtareve qe jane mare me keto proçedura.

Nga ana jone ju kerkuan shpjegime Akademise se Policise, e cila na ka sqaruar se njoftimi per kuoten e pranimeve ne Akademi ka qene 50 studente, nga te cilet 40 djem, 5 vajza dhe 5 per studente qe kishin mbaruar Institutin e Policise. Ndersa me pas u shtuan edhe 15 studente te tjere dhe kuota e atyre qe do te vazhdonin Akademine u be ne 65 studente. Nga pergjigjet e Akademise nuk mohohet fakti qe ankuesit kane qene te renditur brenda kuotes perfundimtare te pranimit te studenteve ne kete Akademi, por ajo justifikohet me pretendimin se lista e pranimeve eshte bere nga Ministria dhe jo prej saj.

Per te bere te mundur zgjidhjen e ketyre ankesave, bazuar ne piken 4  te nenit 63 te Kushtetutes se Republikes se Shqiperise ku thuhet se: “Organet dhe funksionaret publike jane te detyruar t’i paraqesin Avokatit te Popullit te gjitha dokumentet dhe informacionet e kerkuara prej tij”, si dhe ne germen “b” te nenit 19 te ligjit nr. 8454, dt. 04.02.1999 “Per Avokatin e Popullit” ku thuhet se: “Avokati i Popullit ka te drejte te kerkoje shpjegime nga çdo organ i administrates qendrore dhe vendore si dhe te marre çdo dosje apo material qe ka lidhje me hetimin”, lutemi te verifikoni pretendimet e ngritura nga ankuesit dhe dergoni shpjegime lidhur me to, sidomos duhet te na shpjegoni per cilat aresye nuk eshte respektuar renditja ne pranim per personat te cilet kane konkuruar qe kane qene me lart ne renditje, ne krahasim me ata qe jane pranuar faktikisht.

Duke besuar ne mirekuptimin tuaj,

                                                                                                                                                            AVOKATI I POPULLIT

           Ermir DOBJANI