Nr.  K1/Sh 13-6 Prot.                                        Tiranë, më 15/10/2002

Nr. Dok. 200201140/6        

Lenda:        Per nevojen e hartimit te programit dhe platformes per perdorimin e letrave me vlere, siç percaktohet ne aktin normativ nr.4, date 16.02.1999 “Per nje ndryshim ne Ligjin Nr.8162 date 7.11.1996 “Per miratimin me ndryshime te dekretit nr.1630, date 1.01.1996””.

          Drejtuar:     Kryeministrit te Republikes se Shqiperise

                                     Zotit Fatos Nano

                                                                         TIRANE

            I nderuar zoti Kryeminister!

Prane institucionit te Avokatit te Popullit, jane paraqitur nje grup ankesash nga individe te ndryshem por edhe nga perfaqesues shoqatash, ne te cilat ngrihet shqetesimi i perbashket, lidhur me futjen ne perdorim te letrave me vlere, ne proçesin e privatizimit te objekteve, te percaktuar per kete qellim.

Sikunder ankuesit shprehen ne keto letra, megjithese Kuvendi ka miratuar me aktin e tij perkates, shtyrjen e afatit te skadences se letrave me vlere, deri ne vitin 2005, letrat me vlere nuk po futen ne perdorim per privatizimin e objekteve te rendesise se veçante dhe ne sektoret jostrategjike, nderkohe qe ky proçes po vazhdon.

Ne keto kushte, eshte kerkuar nderhyrja e Institucionit tone, per mundesimin e zgjidhjes se ketij problemi, si dhe per sensibilizimin e organeve te administrates qendrore publike, per marrjen e masave ne zbatim te ligjit.

Nga nje shqyrtim paraprak i kesaj çeshtje dhe nga analiza e legjislacionit perkates specifik, rezulton se ne nenin 12, te Ligjit Nr. 8306 date 14.03.1998 “Per strategjine e privatizimit te sektoreve me rendesi te veçante”, thuhet shprehimisht se:

“Ngarkohet Keshilli i Ministrave, te pergatite projektligjet e nevojshme, sipas percaktimeve dhe afateve kohore te vendosura ne strategjine e privatizimit dhe te miratoje aktet nenligjore, te nevojshme per zbatimin e kesaj strategjie”.

Nderkohe ne nenin 8 te ketij ligji, percaktohet se:

“Pjesmarrja e letrave me vlere per privatizim, ne privatizimin e ndermarrjeve dhe shoqerive te sektoreve me rendesi te veçante, percaktohen ne formulen e privatizimit, por ne çdo rast ajo nuk do te jete me e larte se 20 per qind e kapitalit te kontabilizuar. Menyra e perfaqesimit te mbajtesve te aksioneve dhe te drejtat qe rrjedhin prej tyre, percaktohen nga Keshilli i Ministrave”.

Gjithashtu ne nenin 9, te po ketij ligji, percaktohet se eshte Keshilli i Ministrave qe ngarkohet per te percaktuar formulen e privatizimit dhe kufirin e mundshem, te pjesmarrjes se letrave me vlere.

Nga ana tjeter, ne Ligjin Nr. 8334 date 23.04.1998 “Per privatizimin e shoqerive tregtare qe veprojne ne sektoret jostrategjike”, ne nenin 2 te tij, parashikohet se formula e privatizmit ne kete rast, percaktohet nga Ministria e Ekonomise Publike dhe Privatizmit, pas percaktimit te pjeses se aksioneve per ish pronaret e truallit dhe punonjesit e shoqerise.

Paketa e aksioneve ne kete ligj, percaktohet si pjesa e aksioneve qe i ofrohet publikut dhe punonjesve te shoqerise, ne kembim te bonove e lekeve te privatizimit.

Keshilli i Ministrave, ne nenin 7 te ketij ligji, ngarkohet te nxjerre aktet e nevojshme nenligjore.

Ne vazhdim, ne aktin normativ nr.4, date 16.02.1999 “Per nje ndryshim ne Ligjin Nr. 8162 date 7.11.1996 “Per miratimin me ndryshime te dekretit nr.1630 date 1.01.1996”, thuhet shprehimisht se:

“Afati i bonove dhe lekeve te privatizimit eshte deri me 31.12.2005. Programi dhe platforma e tyre do te percaktohen me vendim te Keshillit te Ministrave. Ky akt normativ hyn ne fuqi menjehere dhe i fillon efektet e tij juridike nga data 1 Janar 2000”.

Ne rastin konkret gjendemi para nje situate te tille, ku nga mosveprimi i Keshillit te Ministrave (percaktimet ne aktet ligjore te sipercituara), po i shkaktohen deme individeve, pikerisht sepse privatizimi i objekteve te rendesise se veçante dhe atyre ne sektoret jo strategjike, eshte ne proçes dhe letrat me vlere pavaresisht objektit te tyre te perdorimit, nuk po futen ne perdorim.

Si rrjedhoje jo vetem ankuesve, por perfituesve te ketyre letrave me vlere, po ju shkaktohet nje dem real, i cili vjen nga moshartimi i platformes se lart permendur.

Ne nenin 60, te Kushtetutes se Republikes se Shqiperise, eshte percaktuar se, Avokati i Popullit, mbron te drejtat e individit nga veprimet ose mosveprimet e parregullta te administrates publike, nderkohe qe sipas parimit te pergjegjesise publike per demet jashte kontraktore, administrata publike mban pergjegjesi per demet e shkaktuara nga mosveprimi i saj, ndaj individeve te demtuar.

Meqenese ne kete rast kemi te bejme me nje akt nenligjor qe percakton qarte detyrimin e Keshillit te Ministrave, per hartimin e nje platforme, ne zbatojme Kushtetuten duke paraqitur per zgjidhje problemin, para Jush.

Pra, per vete rendesine qe paraqesin keto ankesa, si persa i perket objektit dhe numrit te personave qe perfshihen ne to, e gjejme me interes t’ju paraqesim problemin per zgjidhje dhe nese Qeveria eshte ne proçes e siper te hartimit te programit dhe platformes, lutemi te na vini ne dijeni se deri ne ç’faze eshte arritur.

Duke besuar ne mirekuptimin tuaj,