Të nderuar Zotërinj,

            Me Shkresën Nr.K2/M67-11, datë 07.01.2009, është rekomanduar marrja e masave të menjëhershme për kryerjen dhe përfundimin e vlerësimit përfundimtar të ambjenteve të Klinikës Stomatologjike Nr.8, Tiranë si dhe dërgimin e dosjeve në Drejtorinë e Administrimit dhe Shitjes së Pronës Publike në Ministrinë e Financës me qëllim ekzekutimin e Vendimit Gjyqësor Nr. 2041, datë 06.03.2008.

Në përgjigje të rekomandimit të kryer me Shkresën Nr. K2/M67-11, datë 07.01.2009, me Tuajën Nr.170/1, datë 29.01.2009 informoni Institucionin e Avokatit të Popullit se në zbatim të VKM Nr.1638, datë 17.12.2008, kapitulli II, pika 4, genplanet e objektit Klinik Stomatologjike Nr.8 Tiranë për të cilin Gjykata e Rrethit Gjyqësor Tiranë ka vendosur detyrimin e Ministrisë së Ekonomisë, Tregëtisë dhe Energjitikës të nxjerr aktin e vlerësimit përfundimtar për privatizim, duhet të konfirmohen nga prefektura përkatëse.

            Prefektura Tiranë, në bazë të informacionit të kërkuar prej Institucionit të Avokatit të Popullit me Shkresat Nr. K2/M67-13, datë 20.02.2009 dhe Nr.K2/M67-14, datë 21.04.2009, me Shkresë Nr. 1489/1, datë 28.04.2009 bënë me dije se ka kryer konfirmimin e genplaneve të Klinikës Stomatologjike Nr.8, Tiranë.

            Në këto kushte procedura e parashikuar në VKM Nr. 1638, datë 17.12.2008, kapitulli II, pika 4, e prezantuar nga ana juaj me Shkresën Nr.170/1, datë 29.01.2009 si pengesë në përmbushjen e detyrimit ligjor të përcaktuar në Vendimin Gjyqësor Nr.2041, datë 06.03.2008 është respektuar, për pasojë marrja në konsiderat e rekomandimit të kryer me Shkresën Nr. K2/M67-11, datë 07.01.2009 është e përligjur dhe kthimi i përgjigjes brenda 30 ditëve për pranimin e rekomandimit në fjalë, konform përcaktimit të kryer në dispozitën ligjore, neni 22 i Ligjit Nr. 8454, datë 04.02.1999 “Për Avokatin e Popullit”, i ndryshuar, do të përbëjë një shembull pozitiv në respektimin e të drejtave dhe interesave të ligjshme  të individëve nga administrata publike të cilat janë objekt mbrojtjeje nga Institucioni i Avokatit të Popullit.

            Bashkë lidhur ju dërgojmë;

            Kopje të Shkresës Nr. K2/M67-11, datë 07.01.2009.

            Kopje të Shkresës Tuaj Nr. 170/1, datë 29.01.2009.

            Kopje të Shkresës Nr. 1489/1, datë 28.04.2009të Prefekturës Tiranë.

                                                           Me respekt

AVOKATI  I  POPULLIT

        Ermir  DOBJANI