Nr. K2/E30-4 Prot.                                    Tiranë, më 29/04/2005

Nr. Dok. 200401823/4        

Lenda:        Kthim pergjigje

         Drejtuar:     Z. Egon Velaj

                              Lagja “29 Nentori”, Rr. “S. Zotaj”, pall. 1098

                                                                                       VLORE

            Per dijeni:    Ministrit te Rendit Publik

                              Z. Igli TOSKA

                                                                                       TIRANE

                              Drejtorit te Akademise se Policise “Arben 

                              Zylyftari”

                                     Z. Piro LAZI

                                     Sauk

                                                    TIRANE

Ne ankesen drejtuar institucionit tone na shkruani se ne vitin 2004 keni konkuruar ne Akademine e Policise “Arben Zylyftari” dhe ne perfundim te konkurimit keni mare 167 pike, duke u renditur i 48-ti ne listen per djemte. Sipas jush, nga ana e Akademise se Policise, para konkurimit ishte njoftuar se do te pranoheshin 40 djem. Me pas, me V.K.Ministrave, numri i studenteve qe do te pranoheshin ne Akademine e Policise u shtua edhe me 15 studente te tjere, nder te cilet do te perfshiheshin edhe femijet e punonjesve te policise te vrare. Ne baze te kritereve te percaktuara ne V.K.Ministrave dhe ne Rregulloren e Akademise, ju pas shtesave te bera duhet te ishit pranuar ne shkolle, por e drejta juaj ju mohua. Nga interesimi qe keni bere rreth te pranuareve nga shtesat, keni mesuar se vetem 3 studente kane qene femije te punonjesve te policise te vrare, ndersa te tjeret jane pranuar jashte kritereve. Ne vendin tuaj jane pranuar persona te tjere, te cilat ne konkurim kane mare me pak pike se sa ju. Gjithashtu ju pretendoni se pranimi i studenteve te cilet ne konkurim moren me pak pike se sa ju eshte bere mbi baza te paligjeshme, miqesore dhe rushfeti te zyrtareve qe jane mare me keto proçedura.

Lidhur me kete ankese ju sqarojme se:

Nga ana jone ju kerkuan shpjegime Akademise se Policise, e cila na sqaroi se njoftimi per kuoten e pranimeve ne Akademi ka qene 50 studente, nga te cilet 40 djem, 5 vajza dhe 5 per studente qe kishin mbaruar Institutin e Policise. Ndersa me pas u shtuan edhe 15 studente te tjere dhe kuota e atyre qe do te vazhdonin Akademine u be 65 studente. Ne pergjigjen e Akademise sqarohet se ju keni mare 167 pike dhe jeni  renditur i 52-ti sipas rendit zbrites per djemte. Ajo nuk mohon faktin qe ju jeni renditur brenda kuotes perfundimtare te pranimit te studenteve ne kete Akademi, por Akademia justifikohet me pretendimin se lista e pranimeve eshte bere nga Ministria dhe jo prej saj.

Pas kesaj pergjigjeje te Akademise se Policise, ne i kerkuam Ministrit te Rendit Publik te verifikonte pretendimet e ngritura nga ana juaj dhe te dergonte shpjegime lidhur me to dhe per aresyet perse nuk ishte respektuar renditja ne pranimin e studenteve te cilet ne konkurim kane qene me lart ne renditje, ne krahasim me ata qe jane pranuar faktikisht.

Ministri i Rendit Publik, pas disa muajesh vonese, me shkresen Nr. 156/3, date 11.04.2005, na ktheu pergjigje se ju nuk jeni kualifikuar ne konkurim. Ndersa per shtesat na informoi, se trajtimi i kandidateve eshte bere me preokupacionin e duhur dhe sipas gjykimit perfundimtar te instancave perkatese.

Z. Velaj,

Ne perfundim te shqyrtimit te ankeses tuaj, ne kemi arritur ne konkluzionin se ajo eshte e drejte dhe se juve padrejtesisht ju eshte shkelur e drejta per t’u pranuar ne Akademine e Policise. Mirepo, duke u ndodhur perball faktorit objektiv te kohes se gjate qe ka kaluar nga fillimi i shkolles dhe viti shkollor tashme eshte ne perfundim te tij, nga ana jone nuk mund te behet rekomandim Ministrit te Rendit Publik per pranimin tuaj ne shkolle. Ju sugjerojme qe kete vit te konkuroni perseri, duke besuar per nje vleresim e qendrim korrekt te Komisionit te vleresimit te Akademise se Policise dhe strukturave perkatese te Ministrise se Rendit Publik.

            Duke shpresuar ne mirekuptimin tuaj,