I nderuar z. Minister!

Sikunder jeni vene ne dijeni nepermjet korrespodences tone me rekomandimin Nr. 200502305 prot., te dates 04.01.2006, qytetari Fredi Meta ka derguar nje ankese prane Institucionit te Avokatit te Popullit me ane te se ciles kerkon ekzekutimin e vendimit nr. 2185, dt. 15.04.2005 te Gjykates se Shkalles se Pare Tirane gjyqesor nga Ministria e Financave, e cila ka vendosur detyrimin e z. Andrea (Sejdin) Berberi t`i paguaje kreditoreve Fredi Meta dhe Ilir Qose, shumen 1.417.600Leke.

Ne pergjigje te rekomandimit tone, Ministria juaj eshte pergjigjur se ekzekutimi i vendimit te subjektit ne fjale nuk eshte bere per arsye se identiteti i personit Andrea (Sejdin) Berberi nuk perputhet me certifikaten e leshuar nga Gjendja Civile, per te cilen subjekti ka paraqitur kopje te vertetimit nga Komuna Hocisht, Korce.

Per sa me siper, juve keni kerkuar detyrimisht kopje te vendimit te Komunes Hocisht, Korce, per ndryshimin e identitetit, si dhe nje akt zyrtar qe verteton jo vetem identitetin e subjektit perfitues por dhe gjeneralitetet e pergjithshme te tij, duke perfshire atesine dhe amesine.

Per sa kerkoni ne letren tuaj drejtuar Institucionit te Avokatit te Popullit, ju veme ne dijeni se zyra jone ne baze te kompetencave qe i jep Kushtetuta e Republikes se Shqiperise dhe Ligji nr. 8454, date 04.02.1999 “Per Avokatin e Popullit”, ka marre kopje te Vendimit te Keshillit te Komunes Hocisht, nr. 34 date 29.11.1996, per ndrimin e emrit nga Sejdin Abil Berberi ne Andrea Abil Berberi, si dhe Fleten e Rregjistrit Themeltar te Gjendjes Civile e cila eshte e njejte me origjinalin, dhe e cila permban gjeneralitet e personit te lartpermendur.

Per nje zgjidhje sa me te shpejte dhe ligjore te problemit ne fjale, Institucioni i Avokatit te Popullit, e gjen me vend t`ju beje me dije per dokumentacionin bashkangjitur, duke ndihmuar bashkarisht ne venien ne vend te se drejtes se shkelur te qytetarit dhe marrjen e masave te nevojshme per shlyerjen e detyrimit ne leke te favor te shtetasve Fredi Meta dhe Ilir Qose, sipas vendimit nr. 2185, date 15.04.2005 te Gjykates se Shkalles se pare Tirane.

Duke besuar ne bashkepunimin Tuaj, jemi ne pritje te qendrimit per kete rekomandim.

                                                            Me respekt

AVOKATI  I  POPULLIT

        Ermir  DOBJANI