I N F O R M A C I O N

Duke studiuar ligjin nr.9418 datë 20.05.2005 “Për sigurimin shoqëror suplementar të ushtarakëve të forcave të armatosura të Republikës së Shqipërisë, që ishte në të njejtën kohë edhe pososia juaj, pashë edhe si ka reflektuar administrata Publike ndaj rekomandimeve tona, të bëra lidhur me trajtimin e veçantë të ushtarakëve, e në veçanti të atyre që kanë dalë në rezervë apo lirim.

Nga ballafaqimi i rekomandimeve të bëra me aktet ligjore e nënligjore të dala sidomos gjatë vitit 2004 dhe vitit 2005, rezulton se:

1. Për rekomandimin lidhur me shëyrtimin e projekt ligjit  “Për disa shtesa dhe ndryshime në ligjin nr. 8087 datë 13.03.1996 ” Për sigurimin shoqëror suplementar të ushtarakëve të Forcave të Armatosura , të Ministrisë së Rendit Publik dhe shërbimit Informativ Shtetëror në R. SH”.

Ky rekomandimi është dërguar Kryeministrit Fatos Nano në nëntorin e vitit 2003 dhe ngrihet mbi shqetësimin e një grupi ankesash që vinin nga individë të ndryshëm dhe përfaqësues shoqatash, për masën e përfitimit të shpërblimit të veteraneve të luftës , të cilët kanë qënë ushtarak dhe kanë dalë në pension para vitit 1993.

Me hyrjen në fuqi të ligjit nr.9418 datë 20.05.2005 “Për sigurimin shoqëror suplementar të ushtarakëve të Forcave të armatosura zgjidhet përfundimisht shqetësimi i ngritur prej tyre konkretisht:

Në neni 14 të ligjit të sipërpermendur në pikën 6 me qëllim që edhe këta ish ushtarak të përfitojnë pensionin njësoj si ata që kanë dalë në pension pas vitit 1993, kontributet për periudhën nga 01.07.1992- 31.12.1998 do të derdhen nga buxheti i shtetit.

Ky ligj hyn në fuqi më 1 janar 2006.

2. Rekomandimi për pregatitjen e një vendimi në lidhje me një shtesë në vendimin e Këshillit të Ministrave nr.381 datë 20.05.1996 “Për zbatimin e Ligjit nr.7889 datë 14.12.1994 “Për statusin e Invalidit” , Për përfitimin e një shtese Mujore mbi pensionin e Invaliditetit, për të gjithë të aksidentuarit gjatë kryerjes së shërbimit ushtarak.

Ky rekomandim i është drejtuar Ministrit të Mbrojtjes dhe zv. Kryeministrit në vitin 2002. Ky rekomandim përsëri ka qënë bërë si rezultat i kërkesave të disa ushtarakëve të cilët aksidentoheshin gjatë detyrës dhe merrnin vetëm pension invaliditeti, thelbi i kërkesave të tyre ka qënë marrja e një shtese shpërblimi mbi masën e pensionit të invaliditetit.

Një gjë të tillë e bënë të mundur tashmë neni 17 i ligjit nr.9418 datë 20.05.2005 “Për sigurimin shoqëror suplementar të Ushtarakëve të Forcave të Armatosura të R.Shqipërisë që përcakton se këta ushtarak tashmë do të marrin edhe një pension suplementar mbi pensionin e invaliditetit.

3. Në Marsin e vitit 2004 Institucioni i Avokatit të Popullit i ka dërguar Ministrit të Mbrojtjes një rekomandim për bërjen  e një statusi të veçantë për ushtarakët madhorë duke u nisur nga rasti i ish gjeneralit Ylli Dimraj.

Ky rekomandim ka gjetur pranimin e tijnë nenin 22 pika 2 të Ligjit 9171 datë 22.01.2004. “Për gradat dhe Karrierën Ushtarake në Forcat e Armatosura të Republikës së Shqipërisë” .

Në këtë ligj është përcaktuar detyrimi ligjor që statusi i gjeneralëve pas daljes së tyre në rezervë do të rregullohet me vendim Qeverie.

Për këto akte ligji ka detyruar Këshillin e Ministrave dhe Ministrinë e Mbrojtjes që brenda 6 muajve të nxjerrin aktet e nevojëshme në zbatim të këtij ligji.

Në këtë kuadër ju sugjeroj të ndërrmarrim një proçes hetimi me inisiativë, për të parë plotësimin e këtye detyrimeve ligjor edhe në përfundim nëse këto detyrime ligjore nuk janë përmbushur të bëjmë rekomandimet përkatëse , me qëllim nxitjen e organeve kompetente per nxjerrien e tyre, ndryshe ligji nuk mund të zbatohet, ç’ka bëhet shkak për shkelien e të drejtave të individit.

Këto ishin disa probleme që dolën nga ballafaqimi i rekomandimeve tona me aktet ligjore të nxjerra për ushtrinë.

Me respekt,

                                                                        Harallamb Bano