MIRATOHET

                                                                   K R Y E T A R E

                                                               Jozefina Topalli (Çoba)

REZOLUTE

PER VLERESIMIN E VEPRIMTARISE SE INSTITUCIONIT TE AVOKATIT TE POPULLIT PER VITIN 2006

Kuvendi i Shqipërisë,

-   vlerëson veprimtarinë e Avokatit të Popullit, si një institucion kushtetues i pavarur jogjyqësor, në mbrojtje të të drejtave të njeriut;

-   mbështet rolin e këtij institucioni për ngritjen e përgjegjshmërisë dhe transparencës së administratës publike, duke përfshirë organet ekzekutive të gjyqësorit dhe të prokurorisë;

-  nxit angazhimin e Avokatit të Popullit në zbulimin dhe denoncimin e shkeljes së të drejtave ligjore të shtetasve nga zyrtarët.

Konstaton:

-   Avokati i Popullit ka kryer gjatë vitit 2006 një veprimtari në përputhje me Kushtetutën dhe ligjin në mbrojtje të interesave të shtetasve;

-   Avokati i Popullit, në veprimtarinë e tij të vitit të kaluar, u është përmbajtur objektivave të vendosur nga Kuvendi në rezolutën për vlerësimin e veprimtarisë së këtij institucioni;

-  vëllimi i punës së këtij institucioni dhe ankesat e shqyrtuara prej tij, në krahasim me një vit më parë, janë rritur, çka dëshmon për rritjen e besueshmërisë së shtetasve ndaj tij;

-   performanca e këtij institucioni ka ardhur duke u përmirësuar në mënyrë të vijueshme;

-   nismat e reja për të shkuar sa më pranë popullit dhe shqetësimeve të tij si “ditët e hapura” vlerësohen pozitivisht për impaktin që ato kanë dhënë.

Kuvendi kërkon që për vitin 2007 t’u kushtohet vëmendje e veçantë këtyre objektivave:

-   rikonfirmimit të bashkëpunimit me Kuvendin për informimin për shkallën e respektimit të të drejtave të njeriut, si dhe për nxitjen e nismave ligjvënëse;

-   mbrojtjes së të drejtave të njeriut, nëpërmjet ndjekjes së rasteve me vetiniciativë për grupe të mëdha njerëzish, shtresa në nevojë, pa përjashtuar raste individuale tipike;

-   forcimit e bashkëpunimit me shoqërinë civile, OJF-të dhe median, për të ushtruar një presion pozitiv mbi administratën, me synim rrënjosjen e praktikave të mira administrative;

- vazhdimit të organizimit të praktikës frytdhënëse të “ditëve të hapura” për t’iu afruar sa më shumë publikut dhe për të rritur shkallën e ndërgjegjësimit të tij;

-  ruajtjes së marrëdhënieve të mira të bashkëpunimit me organizmat ndërkombëtarë;

- denoncimit në vijimësi të shkeljeve të të drejtave të shtetasve nga zyrtarët përgjegjës të administratës shtetërore.

19 mars 2007