REPUBLIKA E SHQIPERISE

Tirane, me 07.03.2005 

REZOLUTE

PER VLERESIMIN E VEPRIMTARISE SE INSTITUCIONIT TE AVOKATIT TE POPULLIT PER VITIN 2004

Kuvendi i Shqiperise,

Njeh dhe mbeshtet veprimtarine e Avokatit te Popullit per te rritur pergjegjshmerine dhe transparencen e veprimtarise se administrates publike shqiptare, perfshire organet ekzekutive te gjyqesorit dhe te prokurorise. Duke verifikuar ankesat dhe kerkesat e shtetasve shqiptare, me zgjidhjet dhe rekomandimet e tij, institucioni i Avokatit te Popullit ka ndikuar qe te gjitha organet dhe autoritetet publike te punojne me mire ne favor te qytetareve per te realizuar nje qeverisje me te mire.

Dhenia e ndihmes ligjore nepermjet rekomandimeve dhe keshillave ne rastet e konflikteve midis administrates dhe publikut, zbulimi i defekteve te administrates, denoncimi i sjelljeve te keqija te nepunesve kundrejt qytetareve, presioni per ndryshimin e procedurave te renduara dhe te paqarta te administrates publike, krijimi i kushteve qe qytetaret te gezojne te drejtat e tyre ne marrjen e informacioneve te nevojshme nga administrata publike, nxitja e transparences se kesaj te fundit ne veprimtarine e saj, angazhimi ne rritjen e cilesise se sherbimeve publike kane qene drejtimet kryesore te veprimtarise se Avokatit te Popullit ne zbatim te legjislacionit perkates.

Kuvendi, pasi u njoh me Raportin per Veprimtarine e Institucionit te Avokatit te Popullit per Vitin 2004, ne baze te nenit 26 te ligjit nr.8454, date 4.2.1999 "Per Avokatin e Popullit" dhe nenit 103 pika 2 te Rregullores se Kuvendit konstaton:

Avokati i Popullit tashme eshte nje institucion kushtetues i konsoliduar ne mbrojtje te te drejtave dhe lirive te njeriut ne Republiken e Shqiperise, qe vepron i udhehequr nga parimet e paanesise, konfidencialitetit, profesionalizmit dhe pavaresise. Veprimtaria e ketij institucioni eshte bere gjithnje e me publike. Kjo duket ne besimin ne rritje te publikut shqiptar te ky institucion, si dhe reagimin gjithmone e me pozitiv te administrates publike shqiptare ndaj rekomandimeve te tij. Institucionet nderkombetare qe merren me te drejtat e njeriut dhe ato homologe e kane vleresuar ne vazhdimesi veprimtarine e ketij institucioni.

Kuvendi kerkon qe per vitin 2005 t’u kushtohet vemendje e veçante ketyre objektivave:

l. Bashkepunimit te vazhdueshem me Kuvendin, jo vetem per ta informuar me mire per situaten e te drejtave te njeriut dhe shkeljet e administrates publike ne Shqiperi, por edhe per te bere ndryshimet e nevojshme ligjore, qe do te sillnin nje efektivitet me te madh te Zyres se Avokatit te Popullit.

2. Forcimit te bashkepunimit me te gjitha segmentet e administrates publike shqiptare per rritjen e standardeve te qeverisjes ose thene me thjeshte, per mireqeverisje, si dhe forcimit te bashkepunimit me organizma te shoqerise civile, si grupe presioni pozitiv mbi administraten. Ky bashkepunim, si dhe ai me median do te konsolidojne me tej arritjet e deritanishme, me synim rritjen e efektshmerise se nderhyrjeve te Avokatit te Popullit per ngulitjen e praktikave te mira administrative.

3. Vazhdimit te veprimtarise ndergjegjesuese te publikut dhe te administrates per vendin dhe rolin e Avokatit te Popullit. Organizimit te diteve te hapura ne menyre periodike ne zona te ndryshme te vendit, duke zbatuar edhe forma te tjera per t'iu afruar sa me shume publikut.                        .

4. Publikimit me mire dhe me shume te problemeve kryesore te evidentuara nga shkeljet e administrates publike ne fushen e te drejtave te njeriut, duke kerkuar edhe masa ndaj personave pergjegjes, sipas ligjit.

5. Hapjes se zyrave rajonale dhe caktimit te perfaqesuesve vendore te Avokatit te Popullit sa me shpejt te jete e mundur, si dhe mirefunksionimit te nenseksionit per mbrojtjen e te drejtave te femijeve, mbi bazen e nje studimi paraprak te detajuar.

6. Angazhimit te metejshem per rritjen cilesore dhe sasiore te nivelit te raportimeve prane organizmave nderkombetare. Kjo duhet te behet si ne raportet e paraqitura nga pala shteterore, ashtu edhe ne raportet alternative, te pergatitura ne bashkepunim me shoqerine civile.

7. Domosdoshmerise per te ndermarre nismen ligjore per te realizuar ndryshimet e nevojshme ne ligjin organik "Per Avokatin e Popullit", per te reflektuar permiresimin dhe plotesimin e kompetencave ligjore te Avokatit te Popullit.

Me kete rast, Kuvendi terheq vemendjen e administrates publike shqiptare, perfshire gjyqesorin dhe prokurorine, qe te vleresojne akoma me shume kerkesat dhe rekomandimet e Avokatit te Popullit gjate veprimtarise se tyre.