Tiranë, më 30/09/2005

Nje Dere Tjeter e Hapur per Shqiptaret qe Jetojne e Punojne ne Itali

-Avokati i Popullit, z. Ermir Dobjani merr pjese ne Konferencen Kombetare te Mbrojtesve Civile te 15 Provincave Autonome te Italise-

           "Vendosa te vij ne kete aktivitet te rendesishem me qellim qe bashkatdhetaret e mi qe jetojne e punojne ne Itali, te gjejne nje dere tjeter te hapur per hallet e tyre te mundshme me nepunesit publike te administratave te vendit tuaj", eshte shprehur Avokati i Popullit, z. Ermir Dobjani, sot me 30 Shtator 2005, teksa ka marre pjese ne Konferencen Kombetare te Mbrojtesve Civile (Ombudsmaneve) te 15 Provincave Autonome te Italise, mbajtur ne Rome.

           Mikpritese e Avokatit te Popullit ka qene Zj. Maria Grazia Vacchina, Kryetare e Shoqates se Ombudsmaneve Frankofone, Mbrojtese Civile e Valle d’Aostes dhe Koordinatore e Konferences Kombetare te Mbrojtesve Civile te Rajoneve dhe Provincave Autonome te Italise.

Qellimi i pjesemarrjes ne kete konference ka qene interesimi i Avokatit te Popullit ne Shqiperi per te vendosur kontakte me kreret e 15 Zyrave Rajonale te Mbrojtesve Civile ne Itali (Diffensore Civico), per t’u kerkuar ketyre te fundit nje ndihme me te madhe per pritjen e ankesave te shqiptareve qe jetojne e punojne ne Itali, per problemet qe ata ndeshin me administratat perkatese te vendit fqinj.

Ne mungese te nje institucioni te vetem kombetar te Ombudsmanit ne Itali, si dhe per faktin se ligji nuk ia lejon Avokatit te Popullit te merret me ankesat e shtetasve shqiptare jashte atdheut, pasi administratat e huaja dalin jashte juridiksionit te tij, Avokati i Popullit ka relatuar per aktivitetin e zyres se tij si dhe problematiken qe has ky institucion ne bashkepunimin me zyrat homologe.

           Interesimi i Avokatit te Popullit dhe idete e tij per bashkepunimin jo vetem me bashkatdhetaret, por edhe me perfaqesuesit e shtetit shqiptar ne Itali, te cilet e kane edhe detyre funksionale edhe perkujdesjen dhe ofrimin e sherbimeve konsullore per ta, jane vleresuar mjaft nga te pranishmit.

Zëdhënësi i Avokatit të Popullit