Tiranë, më 30/04/2008

Te Rrisim Bashkepunimin ne Projekte Konkrete per Ngritje Kapacitetesh Infrastrukturore

  - Avokati i Popullit takon Sekretarin Parlamentar te Shtetit ne Ministrine Federale te Drejtesise se Republikes Federale te Gjermanise-

Avokati i Popullit, z. Ermir Dobjani priti sot, me 30 Prill 2008, ne Zyren e tij, Sekretarin Parlamentar te Shtetit ne Ministrine Federale te Drejtesise, njekohesisht Deputet ne Bundestagun Gjerman, z. Alfred Hartenbah.

Ne takim zuri vend mundesia e bashkepunimit te Avokatit te Popullit ne kuadrin e veprimtarise se Fondacionit Gjerman per Bashkepunim Ligjor Nderkombetar.

“Fale mbeshtetjes se shtetit shqiptar si dhe projekteve te realizuara me faktorin nderkombetar, kemi arritur te ngrejme nje Institucion te qendrueshem dhe gjithmone e me aktiv per mbrojtjen e te drejtave te njeriut ne Shqiperi”, u shpreh Avokati i Popullit, z. Dobjani.

“Jemi njohur me veprimtarine tuaj dhe vleresojme jashte mase bashkepunimin qe keni vendosur dhe mbani me median, si nje nder armet me te forta per nje zyre Ombudsmani”, vleresoi, nder te tjera, nga ana e tij, z. Hartenbah.

Avokati i Popullit u kerkoi bashkebiseduesve qe ndihma e metejshme te fokusohet me shume ne ngritjen e kapaciteteve infrastrukturore dhe te logjistikes, dhe te mos mbetet e kufizuar vetem ne fushen e trajnimeve dhe konferencave.

Me kete rast. Z. Dobjani i informoi bashkebiseduesit edhe per ngritjen e Mekanizmit Kombetar per Parandalimin e Tortures, prane Avokatit te Popullit, duke kerkuar per kete nje angazhim dhe ndihme me konkrete per mirefunksionimin e tij.

            Fondacioni Gjerman per Bashkepunimin Ligjor Nderkombetar eshte krijuar qysh ne vitin 1992, me nismen e ish Ministrit te Drejtesise, Dr. Klaus Kinkel. Ne Shqiperi ky Fondacion eshte i pranishem qe nga viti 2000, ne kuadrin e programeve te Paktit te Stabilitetit.

Zëdhënësi i Avokatit të Popullit