Tiranë, më 27/11/2008

E vleresojme Punen e Policise, por Padia ndaj Avokatit te Popullit Ishte nje Gabim i Rende

-Kryetari i Prezences se OSBE-se, Ambasadori Robert Bosch viziton Avokatin e Popullit, Ermir Dobjani-

“Avokati i Popullit eshte nje institucion i pazevendesueshem dhe ne e mbeshtesim fort, sikunder denojme fort çdo akt dhune. Padia kunder Avokatit te Popullit eshte nje gabim i rende. E vleresojme punen e policise, por here pas here behen gabime dhe ajo duhet kontrolluar. Shqiperia tashme i ka keto mekanizma, sikunder eshte Avokati i Popullit, te cilit i uroj te vazhdoje punen e mire jo vetem ne emer te OSBE-se, por edhe te Keshillit te Evropes”, tha para gazetareve, pas takimit Ambasadori Bosch.

Avokati i Popullit, z. Ermir Dobjani, nga ana e tij shprehu gadishmerine per vazhdimin e bashkepunimit te frutshem me strukturat e Policise se Shtetit, duke kerkuar njekohesisht edhe shprehjen e qendrimit te qarte prej tyre lidhur me kallezimin penal qe Policia e Shkodres ka depozituar ne Prokurori kunder Avokatit te Popullit.

“Kjo padi eshte pa asnje shans, por une kerkoj denimin e ketij veprimi, i cili ne rast se do te kthehej ne precedent, do te dekurajonte mjaft ekspertet e Avokatit te Popullit ne ushtrim te detyrave te tyre funksionale per te inspektuar dhe kontrolluar komisariatet e policise, dhomat e shoqerimit dhe te ndalimit si dhe burgjet, ku te drejtat e njeriut eventualisht shkelen rendom”, tha Avokati i Popullit gjate takimit me Ambasadorin Bosch.

Avokati i Popullit kerkoi me kete rast qe ky incident te mos instrumentalizohet politikisht nga cilado force politike si dhe vleresoi qendrimin publik te Organizates Amnesty International dhe te medias shqiptare per sensibilizimin qe ka krijuar lidhur me ndeshkimin e rasteve te dhunes ne pergjithesi, por edhe per rastin e fundit ne veçanti.

Zëdhënësi i Avokatit të Popullit