Tiranë, më 27/06/2005

Forcimi i Kontrollit mbi Administraten e Mbron 

ate nga Korrupsioni 

- Avokati i Popullit kreu nje vizite zyrtare ne RP te Kines -

            Me ftese te kreut te Ministrise se Supervizionit te RP te Kines, z. Li Zhilun, Avokati i Popullit, z. Ermir Dobjani kreu nje vizite zyrtare ne Kine, nga 19 deri 24 Qershor 2005, ku u prit nga autoritete te larta kineze dhe shkembeu mendime per rritjen e bashkepunimit sipas fushave te veçanta, ku veprimtaria e ketij institucioni perputhet.

“Vizita juaj krijon nje rast te mire per lidhje dhe shkembime te frutshme ne fushen e mbikqyrjes administrative dhe te antikorrupsionit”, u shpreh ne takim Ministri Li Zhilun.

“Ne i ndjekim me simpati te gjitha zhvillimet e Kines, si ne drejtim te ngritjes se nivelit ekonomik te vendit, ashtu edhe ne drejtim te permiresimit te jetes shpirterore te popullit kinez”, tha Avokati i Popullit, Ermir Dobjani ne takimin me mikpritesin e tij.

Me pas biseda u perqendrua ne njohjen e pervojave perkatese te te dy institucioneve, ku nje theks i veçante iu kushtua metodave te mbikqyrjes dhe kontrollit te administratave dhe nepunesve te tyre si dhe masave parandaluese per mbrojtjen e nepunesve publike nga korrupsioni dhe veprimet abuzive e te paligjshme.

Avokati i Popullit u prit ne takim te veçante edhe nga Zevendeskryetarja e Asamblese Kombetare te RP te Kines, zj. Gu Xiao Lian, e cila vleresoi lart rolin e Shqiperise ne momente te rendesishme per shtetin kinez, si dhe u shpreh per zhvillimin e metejshem te marredhenieve, jo vetem midis dy institucioneve homologe, por edhe ne teresi midis shtetit shqiptar dhe kinez.

“Ne popull dhe udheheqjen e vendit ekziston nje vullnet shume pozitiv per çuarjen perpara te marredhenieve miqesore tradicionale midis dy shteteve tona”, u shpreh zj. Gu Xia Lian.

“Nuk jam i pari zyrtar i larte qe vizitoj Kinen, dhe jam i bindur se i njejti vullnet per shkembime dypaleshe, perfshire dhe fushen tregtare, ekziston edhe nga ana e autoriteve shteterore te vendit tim”, u shpreh Avokati i Popullit.

Gjate qendrimit ne Pekin, Avokati i Popullit u takua edhe me Zevendesministrin e Arsimit te RP te Kines, te cilit i shprehu kerkesen per rritjen e numrit te bursave per studentet shqiptare qe duan te studiojne atje, kerkese qe u mireprit nga ana e pales kineze.

Ne vijim te vizites ne RP te Kines, delegacioni shqiptar shkoi edhe ne Shangai, Suzhou, Vushi dhe Nankin, ku u prit nga autoritetet vendase si dhe bisedoi me perfaqesues te Zyrave Lokale ne keto qytete.

Vizita e delegacionit te Avokatit te Popullit ne Kine ben pjese ne rritjen e bashkepunimit nderkombetar te Ministrise se Supervizionit te RP te Kines, e cila ka lidhje me zyra mbikqyrese ne mbi 40 shtete te botes.

Kjo Ministri ka zhvilluar me sukses Konferencen e 7-te Nderkombetare Antikorrupsion, qysh ne vitin 1995 si dhe Konferencen e 7-te Vjetore te Shoqates se Ombudsmanit Aziatik ne vitin 2002.

Me nje numer prej 850 punonjesish ne qender, kjo Ministri ka perfaqesues te saj ne te gjitha hallkat e administrates shteterore te shtetit kinez si dhe ne shumicen e provincave te Kines, ku zyrtaret e kontrollit bashkepunojne si me pushtetin lokal, ashtu edhe me ate qendror.

            Kompetencat e kesaj Ministrie perfshijne inspektimin, investigimin, rekomandimin dhe ndeshkimin per rastet e shkeljes se ligjit dhe abuzimeve ne detyre te nepunesve te administrates publike.

Zëdhënësi i Avokatit të Popullit