Tiranë, më 27/05/2003

KERKESAT E ISH TE PERNDJEKURVE POLITIKE KERKOJNE PERGJEGJESI DHE ANGAZHIM AFATGJATE TE TE GJITHA PALEVE

-Avokati i Popullit pret nje perfaqesi te shoqatave te ish te perndjekurve politike-

             “Kerkesat per demshperblimin e ish te perndjekurve politike i gjej te drejta, por per realizimin e tyre sugjeroj qe ju, qeveria dhe opozita te diskutoni per nje strategji, e cila do te diktonte vullnet politik pozitiv te te gjitha paleve”, deklaroi Avokati i Popullit, Ermir Dobjani ne takimin e zhvilluar sot (27 Maj 2003) ne zyren e tij me nje perfaqesi te shoqatave te ish te persekutuarve politike, te kryesuar nga z. Kurt Kola.

Perfaqesuesit e ish te perndjekurve politike i paraqiten Avokatit te Popullit te permbledhje te problematikes afatshkurter dhe afatgjate lidhur me demshperblimin e tyre per punen dhe vitet e burgut gjate sistemit komunist.

“Ne jemi te gatshem te negociojme per afatet e demshperblimit, por kjo e drejte duhet te na njihet dhe te shikojme nje angazhim konkret te qeverise per te kompensuar ate qe mund t’i kompensohet kesaj shtrese”, tha z. Kurt Kola. Problemi tjeter eshte qe “nuk mund te pranojme dhunen dhe ndalimet qe policia ben ndaj protestuesve tane paqesore”, u shpreh z. Kurt Kola, duke kerkuar me kete rast denimin e pergjegjesve te kesaj dhune. 

“Ne nuk duam te behemi vegla ne lojrat politike, pasi problemet tona kane nisur qysh para vitit 1997”, u shpreh z. Eqerem Kavaja. “Ajo qe synojme eshte mbyllja e dosjes se demshperblimit te ish te perndjekurve politike, ne menyre qe kjo te jete edhe nje faktor me shume ne paqen sociale, dhe ne jemi per ruajtjen e saj”, tha z. Kavaja.

“Une e njoh problematiken tuaj dhe do te sensibilizoj te gjitha strukturat e shtetit shqiptar per nje zgjidhje sa me te pranueshme te kerkesave tuaja”, u shpreh Avokati i Popullit, z. Dobjani. “Nga ana procedurale e gjej te drejte pergjigjen qe ju ka kthyer qeveria. Por shpreh mendimin se zgjidhja e kerkesave tuaja parashikon nje fature qe nuk mund te jete pergjegjesi vetem e nje qeverie. Kjo do te thote se ju, qeveria dhe opozita te negocioni per nje strategji qe do te garantonte nje zgjidhje te shtrire ne kohe te ketyre kerkesave”, u shpreh z. Dobjani.

Lidhur me dhunen e pretenduar se eshte ushtruar nga policia, z. Dobjani u shpreh i gatshem per investigimin e te gjitha rasteve te saj, duke ofruar me kete rast edhe ndihme juridike ndaj ketyre shoqatave.

Njekohesisht, Avokati i Popullit sugjeroi zbatimin e ligjit perkates per tubimet, gje qe kerkon angazhim si nga shoqatat e te perndjekurve, ashtu edhe nga organet e policise.  

Zedhenesi i Avokatit te Popullit