Tiranë, më 27.02.2003

Ta drejtojme energjine e njerezve drejt permiresimit te jetes se tyre

-Ombudsmani kroat, Ante Klariç pritet nga z. Ermir Dobjani-

 “Eshte e rendesishme  qe  ne te jemi me aktive ne rolin  qe  duhet te luajme  ne  orientimin  e energjise se administrates publike drejt permiresimit  te  cilesise se jetes se  qytetareve”,   tha Avokati i Popullit, z. Ermir Dobjani ne takimin qe pati sot ne zyren e tij  me  Ombudsmanin e Republikes se Kroacise, Ante Klariç.

“Popujt tane jane ne fillim te kulturave te reja, veprimi sipas te cilave, do te ndryshoje edhe ate prapambetje te trasheguar nga regjimet e meparshme, te cilat kane kushtezuar nje emer te keq per Ballkanin”, deklaroi Ombudsmani i Kroacise, z. Klariç.

Z. Dobjani dhe z. Klariç ndane se bashku te njejtin mendim se institucionet e tyre, si “agjenci unike shteterore per mbrojtjen e te drejtave te njeriut”, kane per te luajtur nje rol shume te rendesishem ne standartet qe kerkon integrimi i Shqiperise dhe Kroacise ne Bashkimin Europian dhe NATO.

 “Kjo vizite do t’i sherbeje rritjes se bashkepunimit tone ne te ardhmen per projekte te perbashketa ne drejtim te permiresimit te mireqeverisjes, permes promovimit dhe mbrojtjes se te drejtave te njeriut”, u shpreh z. Dobjani.

“Ne jemi popuj te vegjel, por ky atribut qendron vetem persa i perket numrit”, tha z. Klariç, duke u shprehur i te njejtit mendim me mikpritesin e tij, z. Dobjani se “te drejtat e njeriut lipset te jene qellimi i çdo politikani dhe administrate”. 

Ombudsmani i Republikes se Kroacise, z. Ante Klariç, mberriti sot ne vendin tone, me ftese te Avokatit te Popullit, z. Ermir Dobjani.

Z. Klariç ushtron funksionin e Ombudsmanit te Kroacise qe prej 28 Qershorit te vitit 1996. Ai eshte diplomuar per Drejtesi ne Universitetin e Drejtesise ne Split te Kroacise, dhe ka nje karriere te pasur ne ceshtjet ligjore prej 30 vjetesh. Pas nje veprimtarie si jurist ne pushtetin lokal, ai ka punuar si gjyqtar e me pas si prokuror, derisa ne zgjedhjet e para demokratike ne Kroaci u zgjodh deputet dhe Zv/Kryetar i Dhomes se Perfaqesuesve te Parlamentit Kroat, ku ka kryesuar edhe Komisionin Parlamentar te Ligjeve.

Gjate vizites dyditore ne vendin tone, z. Klariç do te pritet diten e premte, me 28 Shkurt 2003, edhe nga personalitetet me te larta te vendit, perfshire Presidentin e Republikes, Kryetarin e Kuvendit, Ministrin e Drejtesise, Kryetarin e Gjykates Kushtetuese dhe asaj te Larte. 

Zedhenesi i Avokatit te Popullit