Tiranë, më 25/10/2005

Avokati i Popullit takon Kreun e Asamblese Parlamentare te Keshillit te Evropes, Rene Van Der Linden

Avokati i Popullit, Ermir Dobjani priti sot, me 25 Tetor 2005, ne zyren e tij, Kryetarin e Asamblese Parlamentare te Keshillit te Evropes, Rene Van Der Linden.

Avokati i Popullit e falenderoi fillimisht zyrtarin e larte te Keshillit te Evropes per ndihmen qe ky institucion ka dhene ne ngritjen dhe konsolidimin e Avokatit te Popullit ne Shqiperi.

Me pas, z. Dobjani e njohu z. Van Der Linden me funksionimin mbi pesevjeçar te Institucionit te Avokatit te Popullit, me ngarkesen e punes, arritjet si dhe prioritetet e kesaj zyre ne mbrojtje te te drejtave te njeriut.

Z. Van Der Linden u interesua per kompetencat e Avokatit te Popullit ne pergjithesi, e ne veçanti per rolin e kesaj zyre ne luften kunder korrupsionit.

Avokati i Popullit e njohu z. Van Der Linden me rastet e nderhyrjes se tij ne trajtimin e ankesave qe implikojne per korrupsion si dhe me adresimin e ketyre ankesave drejt organeve te specializuara te shtetit.

           Ne kete kuader, Avokati i Popullit informoi per rregullimin ligjor te fuknsionimit te sistemit, per rritjen e transparences dhe rolit te Parlamentit ne rastin e privatizimeve te medha si dhe ne bashkepunimin me te mire dhe mbeshtetjen reciproke qe institucionet duhet t’i japin njeri - tjetrit, ne favor te mireqeverisjes se vendit.

Zëdhënësi i Avokatit të Popullit