Tiranë, më 25/04/2006

Ne kerkesat e Azilkerkuesve te Priorizohen Viktimat e Mundshme te Gjakmarrjes dhe Viktimave te Trafikut

Avokati i Popullit, z. Ermir Dobjani u takua sot me delegacionin e Autoriteteve Norvegjeze te Emigracionit, ardhur ne Shqiperi per nje mision faktmbledhes lidhur me kerkesat per azil apo viza te ndryshme te shtetasve shqiptare qe kerkojne te emigrojne.

Delegacioni perbehej nga zj. Olga Jaros nga Drejtoria Norvegjeze e Emigracionit, z. Oyvind Ouen nga Bordi Norvegjez i Apelit per Emigracionin dhe zj. Kristin Nysted nga Qendra per Informacionin Fillestar.

Qellimi i ketij takimi ishte informacioni dhe mendimi i Avokatit te Popullit rreth problematikave te tilla si fenomeni i gjakmarrjes dhe trafikimit, si dhe mbrojtja qe shteti shqiptar duhet t’u ofroje viktimave te mundshme te ketyre plageve.

“Ne kategorite e personave qe duhet priorizuar ne procesin e dhenies se strehimit te vendin tuaj, mendoj se duhen futur viktimat e mundshme te gjakmarrjes, bashkepunetoret e drejtesise, nenat e divorcuara apo vejusha me femije te mitur si dhe kategoria e homoseksualeve”, u shpreh Avokati i Popullit, z. Dobjani.

Avokati i Popullit i informoi te interesuarit per masat e marra nga qeveria shqiptare ne perballjen me keto fenomene. “Megjithe permiresimet e shenuara, shteti shqiptar ende nuk mund t’u ofroje mbrojtjen e duhur viktimave te mundshme te gjakmarrjes”, tha Dobjani.

“Ne kemi mirepritur miratimin qe ne Maj te vitit 2005, te Ligjit për krijimin dhe funksionimin e Këshillit Kordinues në luftën kundër gjakmarrjes, dhe shpresojme se se shpejti ai do te ngrihet per te funksionuar normalisht”, u shpreh z. Dobjani.

Delegacioni pritet te kete takime me institucione te tjera shqiptare dhe te huaja, te cilat merren me trajtimin e fenomeve te trafikimit, prostitucionit dhe gjakmarrjes.

Zëdhënësi i Avokatit të Popullit