Tiranë, më 24/07/2008

Prokuroria me mosveprimin e saj ne kohen e duhur, shkel te drejtat dhe lirite themelore te shtetasve

          Institucioni i Avokatit te Popullit ka ndjekur ne vazhdimesi gjate veprimtarise se tij raste ne te cilat individe te ndryshem jane perballur me nje neglizhence te organeve te drejtesise per te respektuar afatet e paraburgimit apo te denimeve me burgim.

Ne disa raste gjate ketyre verifikimeve eshte vene re se Gjykatat dhe veçanerisht Prokuroria nuk kane kryer detyren e tyre per te garantuar afatet ligjore te duhura ne trajtimin e shtetasve te paraburgosur apo te burgosur.

          Institucioni i Avokati i Popullit duke marre shkas nga nje rast i fundit i konstatuar vetem dy dite me pare, kerkon te rivere ne vemendjen e publikut dhe te medias kete rast, pasi mosveprime te tilla te Prokurorise duket se po kthehen ne nje fenomen flagrant i shkeljes se te drejtave dhe lirive themelore te shtetasve.

          Konkretisht Avokati i Popullit ka verifikuar perpara dy ditesh dosjen e plote gjyqesore ne ngarkim te shtetasit Kastriot Prendi, nga e cila ka rezultuar se ai ka qene denuar me 6 muaj burg per vepren penale te “Dezertimit”. Ky vendim i gjykates ka marre forme te prere me dt.24.11.2007. Mbi bazen e urdherit te ekzekutimit te Prokurorise eshte bere shpallja ne kerkim nga Komisariati i Policise Sarande te ketij personi, i cili eshte ndaluar me pas ne Piken e Kalimit Kufitar Kakavije.

          Meqenese i denuari Prendi nuk ka patur dijeni per zhvillimin e gjykimit ndaj tij ai ka marre avokat dhe i eshte drejtuar Gjykates se Rrethit Gjyqesor Tirane. Kjo Gjykate me Vendimin e saj Nr.587 dt.01.04.2008 ka vendosur pranimin e kerkeses se tij per rivendosjen ne afat te ankimit kunder vendimit me burgim qe rendonte ndaj tij.

           Meqenese me rivendosjen ne afat kompetente per pezullimin e ekzekutimit te vendimit penal me burgim ka qene Prokuroria, avokatet e te denuarit jane drejtuar prane kesaj te fundit per te kerkuar pezullimin e menjehershem te vuajtjes se denimit te ketij personi. Por megjithese Prokuroria e Tiranes (Seksioni Ushtarak) ka depozituar te gjithe dokumentacionin e paraqitur nga gjykata per rivendosjen ne afat te ankimit te te denuarit nga ana e tyre vertetohet tashme e faktuar se nuk eshte marre asnje mase per pezullimin e ekzekutimit te denimit ndaj ketij personi.

          Vetem pas berjes publike te ketij fakti nga ana e te denuarit Prokuroria ka nxjerre urdherin per anullimin e ekzekutimit penal ne ngarkim te Kastriot Prendit me dt. 17.07.2008. Sipas perllogaritjes se sakte ky veprim i Prokurorise duhet te ishte kryer 3 Muaj e 17 dite me pare, (1.04.2008) kohe ne te cilen gjykata pranoi kerkesen e te denuarit per rivenien ne afat te ankimit te tij.

          Edhe Vendimi i Gjykates se Rrethit Gjyqesor Tirane, date 21.07.2008 e ben te pavlefshme kerkesen e te pandehurit per ndryshimin e mases se arrestit, pasi kjo s’do te kishte me vlere, sepse ai tashme ishte liruar mbi bazen e dokumentacionit qe disponohej nga Prokuroria.

          Mbajtja per nje kohe kaq te gjate e Kastriot Prendit ne burg rezulton te jete kundraligjshme dhe shume flagrante per pozicionin e organit te Prokurorise.

          Ne kete kuader, Institucioni i Avokatit te Popullit i ka kerkuar Prokurores se Pergjithshme fillimin e proçedimit penal  per disa prokurore te Prokurorise se Rrethit Gjyqesor Tirane per vepren penale te Shperdorimit te Detyres dhe Mosmarrjes se Masave per Nderprerjen e Gjendjes se Paligjshmerise, parashikuar ne Nenet 248 dhe 251 te Kodit Penal.

          Me kete rast, Institucioni i Avokatit te Popullit shpreh besimin se hetimi i kesaj çeshtje do te kryehet me seriozitetin me te madh per te dhene shembullin e duhur te pergjegjshmerise se organit te prokurorise ndaj shkeljeve te te drejtave te shtetasve.

          Institucioni i Avokatit te Popullit njofton se eshte teper i angazhuar dhe po verifikon per te nxjerre ne drite edhe raste te tjera te tilla te abuzimit me detyren nga ana e zyrtareve te Prokurorise dhe Gjykates.

Zëdhënësi i Avokatit të Popullit