Tiranë, më 20/05/2005

DEKLARATE PER SHTYP

Sot, me 20.05.2005, ne mjediset para godines se Kuvendit te Republikes se Shqiperise, Avokati i Popullit, Ermir Dobjani beri nje deklarate per median, te cilen po e citojme me poshte:

“Nisur nga imazhet e fushatave te meparshme elektorale, por edhe keto te javes ne vazhdim, ka mjaft raste kur verehet nje pjesemarrje aktive e femijeve ne fushaten elektorale te cilesdo parti politike. Ne keto raste verejme forma te ndryshme te perfshirjes se femijeve si element “dekorativ”, per qellime simbolike apo edhe per te treguar se ambjentet jane plot me perkrahes. Nuk duhet harruar qe femijet nuk kane pjekurine intelektuale, fizike apo mendore njesoj si te rriturit, dhe shpesh as vete ata nuk e kuptojne qellimin e ketyre organizimeve apo mitingjeve. Prandaj mosha per te zgjedhur dhe per t’u zgjedhur eshte caktuar 18 vjeç e lart. Eshte pikerisht kjo arsyeja qe ata kane nevojen per nje mbrojtje te veçante. Ata duhen mbrojtur jo vetem nga neglizhenca apo abuzimi, por edhe nga pergjegjesite qe kalojne tej aftesive te tyre. Ne jo pak raste ne tubime gjen shprehje gjuha e konfliktualitetit dhe akuzave respektive teper te renda.

          Mbrojtja e te drejtave te femijeve duhet te perbeje nje prioritet per te gjitha forcat politike. T’u kultivojme atyre tolerancen, nje fryme me te madhe mirekuptimi, humanizmin, shpirtin konkurues dhe ambicjet pozitive, por jo ndjenjen e ndarjes dhe konfliktualitetit, qe shpesh perçon fushata elektorale. Nuk duhet te harrojme qe mjedisi i jetes dhe i veprimtarise se femijeve luan nje rol percaktues ne edukimin dhe formimin e karakterit dhe personalitetit të tyre. Ata jane qytetaret e ardhshem dhe le t’i edukojme ata te jene sa me te denje per Shqiperine. Vetem keshtu do te kemi frytet e nje pune me vlera njerezore, edukuese e mbi te gjitha me vlere kombetare. Ne te kunderten edukimi i femijeve ne mjedise te trazuara e te tensionuara, do te thote qe ne personalitetin e tyre te mbizoteroje ndarja, intoleranca dhe urrejtja.

          Duke respektuar faktin qe ne shoqerine tone diversiteti respektohet dhe duke kerkuar qe te drejtat femijeve ne çdo rast te mbahen ne konsiderate dhe ku asnje femije te mos ndjehet i perjashtuar, sugjerojme mosperdorimin e kesaj pjese te shoqerise per nevoja elektorale te te gjitha forcave politike ne vendin tone. Lideret t’u bejne thirrje kandidateve per deputete dhe prinderve qe jane perkrahes apo mbeshtetes te partive te ndryshme, qe te mos marrin me vete ne aktivitetet elektorale femijet. Shkollat te distancohen nga fushatat elektorale, drejtorite arsimore te mos lejojne qe mesuesit t’i aktivizojne femijet ne aktivitetet elektorale.

          Ndaj le t’i leme te qete e te shkujdesur, te gezojne femijerine e tyre, larg andrrallave dhe problemeve te politikes”.

          Avokati i Popullit beson ne mirekuptimin e paleve politike si dhe angazhimin e tyre per nje fushate sa me qytetare dhe me mesazhe shprese, si per elektoratin e sotem ne teresi, ashtu edhe per elektoratin e neserm, pra shtresen e femijeve ne veçanti.

Zëdhënësi i Avokatit të Popullit