Tiranë, më 19/11/2002

Avokati i Popullit dhe Ministria e Mbrojtjes organizojne seminar te perbashket per te drejtat e ushtarakeve

“Te drejtat e ushtarakeve dhe reforma ne Forcat e Armatosura”, ishte tema e seminarit te perbashket te zhvilluar sot ne ambjentet e Hotel Dajtit, nga ana e Institucionit te Avokatit te Popullit dhe Ministrise se Mbrojtjes.

“Jane rreth 500 ankesa te mberritura ne Institucionin e Avokatit te Popullit nga subjektet e Forcave te Armatosura, qe nga fillimi i veprimtarise se ketij institucioni”, vuri ne dukje ne fjalen e tij Avokati i Popullit, Ermir Dobjani.

“Problemet e subjekteve ushtarake meritojne vemendjen e posacme te qeverise dhe shoqerise”, tha Dobjani, duke iu referuar faktit se, vecanerisht, pas viteve 90-te, problemet sociale jane bere me te ndjeshme si per ushtaraket active, ashtu edhe per ata qe dalin ne rezerve e lirim, ende pa mbushur moshen e pensionit, ne kuadrin e reformimit dhe ristrukturimit te forcave te armatosura.

Problemet kryesore, rreth te cilave u debatua ne seminar ishin: te drejtat e ligjshme te ushtarakeve qe dalin ne rezerve (lirim); praktika per trajtimin financiar te ushtarakeve aktive, ne lidhje me pagesen e sherbimit 24 oresh dhe punen jashte orarit si dhe te drejtat e ushtarakeve ne procesin e privatizimit te objekteve te dhena per strehim nga Ministria e Mbrojtjes, e lidhur kjo e fundit me pengesat qe shfaqen nga pushteti lokal per shkak te kontestimit qe i behet Vendimit te Keshillit te Ministrave Nr.379, date 26.06.1995.

Fakti qe Forcat e Armatosura jane perfshire ne reformen aktuale, nga e cila do te nderpresin karrieren nje numer i madh ushtarakesh, ben qe ky takim te marre me shume vlera, me qellim qe te behet kujdesi maksimal per respektimin e te drejtave te tyre, u theksua, nder te tjera, ne kete seminar.

           Ne seminar moren pjese ushtaraket me te larte te Ushtrise shqiptare, perfshire edhe Shefin e Shtabit te Pergjithshem, Gjen. Pellumb Qazimi.

            Diskutimet e pjesmarresve u perqendruan ne problematiken e ankesave te ardhura prane Institucionit te Avokatit te Popullit, ne kushtet e reformes aktuale ne forcat e armatosura, duke patur si qellim angazhimin e perbashket per te krijuar hapesirat  e nevojshme  ne drejtim te permiresimit te gjendjes, gjithmone duke patur si vision orientimin e kapaciteteve tona ushtarake drejt standarteve qe kerkon integrimi i tyre ne strukturat euroatlantike.

Zëdhënësi i Avokatit të Popullit