Tiranë, më 19/02/2001

Grupi i Miqve Takohet me Avokatin e Popullit ne Pervjetorin e Pare te Zgjedhjes nga Parlamenti

Avokati i Popullit Ermir Dobjani i beri te ditur sot Grupit te Miqve se objektivat e vena para nje viti tashme rezultojne te realizuara.

Dobjani e informoi Grupin e Miqve se pikerisht sot ai i ka derguar Parlamentit, Presidentit dhe Kryeministrit nga nje kopje te Raportit Vjetor, rreth te cilit Kuvendi do te diskutoje javen e ardhshme.

Raporti pasqyron veprimtarine e Institucionit te Avokatit te Popullit pergjate nje viti, duke dhene nje tablo specifike mbi nje aspekt shume te rendesishem te te Drejtave te Njeriut ne Shqiperi, sikunder eshte raporti i individit me administraten publike, nen kendveshtrimin e sundimit te ligjit. Materjali ne fjale eshte i ndare ne kater kapituj, qe pasqyrojne pozicionin e Avokatit te Popullit ndaj kerkesave te instancave nderkombetare, bashkepunimin me shtetin shqiptar dhe faktorin nderkombetar per ngritjen dhe funksionimin e ketij institucioni si dhe veprimtarine konkrete te zyres, e cila tashme ndodhet ne fillim te fazes se dyte, pra te konsolidimit te veprimtarise se saj.

Grupi i Miqve te Avokatit te Popullit perbehet nga perfaqesues te OSBE-se, Keshillit te Europes, Ambasades Amerikane dhe asaj te Danimarkes, Shoqates se Juristeve Amerikane (ABA/CELLI) si dhe te Komitetit Shqiptar te Helsinkit, CAFOD-it dhe Qendres Shqiptare per te Drejtat e Njeriut.

Te pranishmit e falenderuan Avokatin e Popullit per veprimtarine e deritanishme dhe e siguruan per nje ndihme edhe me te madhe ne te ardhmen, duke e inkurajuar per rritjen e metejshme te autoritetit te ketij institucioni, si garant i respektimit te te drejtave te njeriut ne Shqiperi.

Me kete rast z.Dobjani u beri te njohur Miqve se me 20 Mars te ketij viti do te behet perurimi zyrtar i Selise se Avokatit te Popullit, te rehabilituar dhe pajisur ne masen rreth 90 per qind me fonde te Projektit DANIDA te Qeverise Daneze.

Zëdhënësi i Avokatit të Popullit