Tiranë, më 19/02/2004  

Çdo Qeveri sheh tek  Ombudsmani Partnerin per rritjen e Besimit te Publikut tek Shteti

            Ombudsmani Kombetar i Mbreterise se Holandes, z. Roel Fernhout, i shoqeruar nga mikpritesi i tij, Avokati i Popullit z.Ermir Dobjani, u takua sot me Kryetarin e Gjykates Kushtetuese, z. Fehmi Abdiu dhe Ministrin e Drejtesise, z. Fatmir Xhafa.

            Ne takimin me Kryetarin e Gjykates Kushtetuese, z. Roel Ferhout vleresoi bashkepunimin midis Avokatit te Popullit dhe kesaj gjykate, ne interes te mbrojtjes se te drejtave te qytetareve shqiptare, permes nje administrimi efikas dhe ne perputhje me standartet e drejtesise te pranuara nderkombetarisht.

Ministri i Drejtesise, z. Fatmir Xhafa vleresoi se bashkepunimi me Avokatin e Popullit ka nje rendesi te veçante per mirefunksionimin e drejtesise ne Shqiperi. Z. Xhafa shprehu angazhimin e tij ne kuader te shqetesimit te Qeverise shqiptare per ekzekutimin sa me te plote te vendimeve gjyqesore nga sherbimi permbarimor, si dhe per permiresimin e sistemit penitenciar ne vendin tone.

Ombudsmani i Mbreterise se Holandes vleresoi se motoja e tij eshte “Mireqenia e qytetareve eshte mireqenie e qeverise”, duke vleresuar se qeveria duhet te shohe tek Avokati i Popullit aleatin per rritjen e besimit te publikut tek ajo, dhe jo thjesht sfiduesin e veprimeve te gabuara te administrates.

“Ne i dime dobesite dhe nevojat tona per permiresimin e tyre”, tha Z. Xhafa. “Une do te vleresoja shume angazhimin tuaj si Ombudsman, ne mundesimin e projekteve trajnuese qe Holanda ofron per te permiresuar cilesine e punes se avokateve dhe gjyqtareve tane, pasi keshtu i kontribuojme edhe me mire permiresimit te punes ne dhenien e drejtesise ne vend”, u shpreh z. Xhafa.

            Ombudsmani Kombetar Holandez do te pritet neser, me 20 Shkurt 2004, ora 10:00 edhe nga Kryetari i Kuvendit te Republikes se Shqiperise, z. Servet Pellumbi.

Zëdhënësi i Avokatit të Popullit