Tiranë, më 19/01/2005

Interesim per Stabilitetin dhe Vazhdimesine Institucionale te Avokatit te Popullit

-Ombudsmani i Mbreterise se Danimarkes Pritet nga Presidenti i Republikes, Kryeministri Nano, Kryetari i Parlamentit dhe Kryetari i Opozites Berisha-

          Kreret e shtetit shqiptar, Presidenti Mojsiu, Kryetari i Parlamentit Pellumbi, Kryeministri Nano dhe Kryetari i Opozites Berisha priten ne takime te veçanta Ombudsmanin Parlamentar te Mbreterise se Danimarkes, z. Hans Gammeltoft Hansen, gjate vizites se tij treditore ne Tirane, nga 17-19 Janar 2005, te shoqeruar nga homologu i tij z. Ermir Dobjani.

          “Jemi te interesuar per stabilitetin dhe vazhdimesine institucionale te Avokatit te Popullit. Une jam teper i kenaqur qe projekti per ngritjen e Institucionit te Avokatit te Popullit ne Shqiperi ka rezultuar teper i suksesshem. Per kete flet fakti qe tashme ne perfaqesojme dy zyra partnere me rendesi ne vendet tona”, vleresoi z. Gammeltoft Hansen ne takimet me bashkebiseduesit e tij. “Konsolidimi dhe vazhdimesia e institucionit ne te njejtat linja, eshte sinjal qe Shqiperia tregon se eshte e interesuar per stabilitetin e institucioneve te saj”, u shpreh ai.

Nga ana e tyre zyrtaret e larte shqiptare vleresuan veprimtarine pesevjeçare te Institucionit te Avokatit te Popullit si dhe rolin e Kreut te ketij institucioni, z. Ermir Dobjani. “Nuk mund te pelqeni muziken, pa iu referuar Moxartit”, u shpreh Kryeministri Nano ne fund te takimit, duke iu referuar drejtimit efikas dhe energjik te institucionit nga ana e z. Dobjani.

          Presidenti Moisiu vleresoi rolin e Avokatit te Popullit ne Shqiperi gjate pese viteve te punes se tij dhe efektshmerine e ndihmes daneze ne kete drejtim.

Kryeministri Nano, nga ana e tij, vuri ne dukje ndihmen e qeverise daneze, permes programit DANIDA, kryesisht per forcimin e institucioneve shqiptare. Te njejtin vleresim ka ndare edhe Presidenti Moisiu, i cili tha se, tashme ka nje progres te rendesishem ne forcimin e institucioneve demokratike ne vend, i cili eshte nje tregues inkurajues ne rrugen e reformave per integrimin e vendit ne Bashkimin Evropian.

          Takimet e z. Hans Gammeltoft Hansen vijuan me date 18 Janar 2005, me Kryetarin e Parlamentit, z. Servet Pellumbi si dhe me Kryetaret e grupeve parlamentare te te gjithe spektrit politik, te pranishem ne Parlament. Te gjithe ata shprehen ne menyre unanime vleresimin e tyre per veprimtarine e deritanishme te Institucionit te Avokatit te Popullit.

Me date 19 Janar z. Hans Gammeltoft Hansen u takua edhe me liderin e opozites z. Sali Berisha dhe Ministrin e Drejtesise z. Fatmir Xhafaj.

          “Jemi te interesuar qe Avokati i Popullit te vazhdoje te ruaje pavaresine e tij, duke iu permbajtur gjithmone zbatimit te ligjit”, u shpreh ne takim z. Sali Berisha. “Ne kete rruge te nisur do ta mbeshtesim plotesisht edhe si opozite”, shtoi ai.

Po me date 19 Janar 2005, Ombudsmani i Mbreterise se Danimarkes dhe Avokati i Popullit vijuan me nje konference shtypi ne ambjentet e Hotel Rogner, ku bene te njohura edhe konkluzionet e kesaj vizite treditore ne Tirane.

Zyra e Avokatit te Popullit ne Shqiperi ka perballuar deri tani rreth 15 mije ankesa, me nje shifer prej afro 23 perqind te rasteve te zgjidhura pozitivisht. “Kjo flet per rritjen e besimit te publikut tek Avokati i Popullit, sikunder edhe per emancipimin ne rritje te administrates shqiptare dhe politikes shqiptare ne teresi, per te reflektuar pozitivisht ndaj rekomandimeve te Avokatit te Popullit”, tha ne Konferencen per Shtyp Avokati i Popullit, z. Ermir Dobjani.

          “Jam i impresionuar nga progresi i Zyres se Avokatit te Popullit ne pese vjet, dhe mund te them qe Zyra dhe kreu i saj, z. Dobjani jane radhitur nder koleget e mi me te suksesshem”, vleresoi Ombudsmani danez, Hans Gammeltoft Hansen.

Ombudsmani i Mbreterise se Danimarkes, z. Hans Gammeltoft Hansen, ka 18 vjet ne krye te ketij institucioni ne vendin e tij. Ai ka ardhur ne Tirane me ftese te Avokatit te Popullit, z. Ermir Dobjani, per te bere nje vleresim te progresit te punes se Avokatit te Popullit gjate pese vjeteve veprimtari.

Zëdhënësi i Avokatit të Popullit