Tiranë, më 17/03/2004

NE RRUGE TE MBARE PER KRIJIMIN E NJE RAJONI TE PERBASHKET JURIDIK EVROPJAN

-Ombudsmani Kombetar i Polonise Takon Kryetarin e Kuvendit, Ministrin e Drejtesise, Kryetarin e Gjykates Kushtetuese-

Ne vijim te vizites se tij dyditore ne Tirane, Ombudsmani Kombetar i Republikes se Polonise, Prof. Dr. Andrzej Zoll, i shoqeruar nga Avokati i Popullit, z. Ermir Dobjani, u prit sot ne takime te veçanta nga Kryetari i Kuvendit, Prof. Servet Pellumbi, Ministri i Drejtesise, z. Fatmir Xhafa dhe Kryetari i Gjykates Kushtetuese, z. Fehmi Abdiu.

Duke vleresuar traditen tashme te konsoliduar te Avokatit te Popullit per te shkembyer pervoje me homologet e tij Evropjane, Kryetari i Kuvendit, z. Servet Pellumbi u shpreh per mbeshtetjen e metejshme qe Parlamenti Shqiptar do t'i jape Avokatit te Popullit ne misionin e tij per mbrojtjen e te drejtave te njeriut dhe rritjen e besimit te shtetasve tek institucionet e shtetit te tyre.

“Vertet pushtetet, perfshire edhe ate gjyqesor, jane te pavarura, por praktika ka treguar se roli i nje institucioni, sikunder eshte Avokati i Popullit, eshte i domosdoshem per rritjen e besimit te njerezve tek drejtesia”, tha ne takim z. Pellumbi. Ai vleresoi se kompetencat e Ombudsmanit polak mbi gjyqesorin dhe prokurorine jane shume te efektshme dhe do te mirepriteshin ndryshimet ligjore qe duhen bere, por gjithesesi ky proces nuk eshte i lehte.

“Sa me i forte te jete Institucioni i Ombudsmanit, aq me te lire dhe te mbrojtur do te ndjehen qytetaret ne te drejtat e tyre, e per pasoje, aq me e besueshme do te behet qeveria, aq me i forte do te jete shteti”, vleresoi ne pergjigje te tij, Ombudsmani polak, z. Andrzej Zoll.

Ministri i Drejtesise, z. Fatmir Xhafa vleresoi solidaritetin e “familjes evropjane te Ombudsmanit”, duke siguruar per nje mbeshtetje te metejshme te qeverise shqiptare per  Avokatin e Popullit ne Shqiperi, por edhe per rritjen e bashkepunimit midis vendit tone dhe Republikes se Polonise ne fushen e drejtesise dhe forcimit te shtetit ligjor.

Ombudsmani polak iu pergjigj, gjate takimit, interesimit te Ministrit te Drejtesise per probleme te veçanta qe kane te bejne me prioritete te qeverise shqiptare, sikunder nje prej tyre eshte edhe çeshtja e zgjidhjes se problemit te ish te persekutuarve politike, pasi edhe Polonia ofron nje te shkuar te ngjashme ne kete drejtim.

Takimin e trete dhe te fundit me personalitetet shqiptare, Ombudsmani polak e pati me Kryetarin e Gjykates Kushtetuese, z. Fehmi Abdiu.

Para zgjedhjes si Ombudsman Kombetar, z. Zoll ka qene ne detyren e Kryetarit te Gjykates Kushtetuese te Polonise. Ai theksoi se “e drejta e Ombudsmanit polak per te kerkuar nga Gjykata Kushtetuese shfuqizimin e ligjeve antikushtetuese eshte nje nga mjetet me te fuqishme te tij per mbrojtjen e te drejtave te njeriut”.

“Kuadri ligjor polak dhe pervoja juaj e bashkepunimit mes Zyres se Ombudsmanit dhe Gjykates Kushtetuese besoj se do te krijoje nje vizion me te qarte per te bere edhe ndryshimet e nevojshme ligjore, qe do te rrisnin mundesite e Avokatit te Popullit per te nderhyre prane kesaj gjykate, ne interes te mbrojtjes se te drejtave te shtetasve”, u shpreh ne takim z. Abdiu.   

“Gjithçka me synimin per te krijuar nje rajon te perbashket juridik evropjan, per te perballuar sfidat e integrimit ne BE”, u shpreh Ombudsmani polak, z. Andrzej Zoll.

Zëdhënësi i Avokatit të Popullit