Tiranë, më 17/01/2005

Ombudsmani i Mbreterise se Danimarkes Vlereson Progresin e Homologut Shqiptar Dobjani

          “E vleresoj si teper inkurajuese viziten tuaj pas pese viteve veprimtari te Institucionit qe drejtoj, pasi kontributi juaj dhe i Qeverise daneze ka qene teper i rendesishem per ngritjen dhe funksionimin e Avokatit te Popullit”, tha Avokati i Popullit Ermir Dobjani ne takimin qe zhvilloi sot me Ombudsmanin Parlamentar te Mbreterise se Danimarkes, Hans Gammeltoft Hansen

          “Une jam teper i kenaqur qe projekti per ngritjen e Institucionit te Avokatit te Popullit ne Shqiperi ka rezultuar teper i suksesshem, dhe per kete flet fakti qe tashme ne perfaqesojme dy zyra partnere me rendesi ne vendet tona”, tha z. Gammeltoft Hansen.

          “Zyra e Avokatit te Popullit ne Shqiperi ka perballuar deri tani mbi 15 mije ankesa, me nje shifer 23 perqind te rasteve te zgjidhura pozitivisht”, beri te ditur Avokati i Popullit Dobjani. “Kjo flet per rritjen e besimit te publikut tek Avokati i Popullit, sikunder edhe per emancipimin ne rritje te administrates shqiptare dhe politikes shqiptare ne teresi, per te reflektuar pozitivisht ndaj rekomandimeve te Avokatit te Popullit”, vijoi Dobjani.

          Ombudsmani i Mbreterise se Danimarkes, z. Hans Gammeltoft Hansen, mberriti sot ne Tirane me ftese te Avokatit te Popullit, z. Ermir Dobjani.

          Qellimi i kesaj vizite eshte vleresimi i progresit te punes se Avokatit te Popullit gjate pese viteve veprimtari.

          Krahas takimeve me homologun e tij Dobjani, Ombudsmani i Mbreterise se Danimarkes pritet te takohet me personalitetet me te larta te vendit, si Presidenti i Republikes, Kryeministri, Kryetari i Parlamentit, Kryetari i opozites si dhe me personalitete te tjera.

Zëdhënësi i Avokatit të Popullit