Tiranë, më 15/12/2005

“TË GJITHË SË BASHKU NË MBROJTJE TË TË DREJTAVE TË FËMIJËVE”

-Konference Kombetare Organizuar nga Institucioni i AVOKATIT TE POPULLIT në bashkëpunim me SAVE THE CHILDREN dhe 

UNICEF Shqiperi-

“Perballe realitetit te shumices se femijeve ne bote, fjalia e "Deklarates se te drejtave te femijes" e vitit 1959, se "Njerëzimi duhet t’u jape femijeve atë çka ai ka më të mirë”, tingëllon si jo reale”, tha ne fjalen e tij Avokati i Popullit, z. Ermir Dobjani, ne Konferencen Kombetare per te drejtat e femijeve, zhvilluar sot ne mjediset e Hotel Tirana International.

 Avokati i Popullit ne bashkepunim me organizaten Save the Children dhe Zyren e UNICEF-it ne Shqiperi organizuan sot kete aktivitet, qellimi i te cilit eshte bashkerendimi i perpjekjeve te institucioneve shqiptare per zbatimin e politikave te integruara qe synojne nje mbrojtje me rezultative dhe efikase te te drejtave te femijeve.

Ne Konference moren pjese dhe dhane kontributin e tyre Kryetarja e Kuvendit, zj. Jozefina Topalli, Ministri i Punes, Çeshtjeve Sociale dhe Shanseve te Barabarta, z. Kosta Barka, Ministri i Drejtesise, z. Aldo Bumçi, Ministri i Brendshem, z. Sokol Olldashi, Perfaqesuesja e UNICEF-it ne Shqiperi, zj. Carrie Auer, Drejtori i Save the Children, z. Steve Ashby si dhe mjaft perfaqesues te Shoqerise Civile.

“Femijet i ndjejne me shume si per mire, ashtu dhe per keq pasojat e veprimeve ose mosveprimeve te qeverisjes. Pothuajse çdo vendim i qeverise ne çdo fushe, ndikon tek femijet ne menyre direkte apo indirekte. Me siguri mund te themi se gjendja e femijeve, edukimi dhe shendeti eshte nje barometer matës i saktë i ndryshimeve sociale apo ekonomike ne nje shtet”, tha me tej ne fjalen e tij Avokati i Popullit, Ermir Dobjani.

Konferenca Kombetare “Te gjithe se bashku ne mbrojtje te te drejtave te femijeve” eshte pjese e aktiviteteve te pervitshme ne nivel kombetar, qe Avokati i Popullit zhvillon sipas detyrimit kushtetues dhe prioriteteve te politikave te Zyres se tij.

Perfundimet e Konferences do t’u dergohen te gjitha institucioneve shqiptare qe merren me hartimin dhe zbatimin e politikave ne fushen e mbrojtjes se te drejtave te femijeve.

Zëdhënësi i Avokatit të Popullit