Tiranë, më 14/07/2008

Shqiperia dhe Protokolli Opsional per Parandalimin e Tortures

  -Tryeze e Rrumbullaket me perfaqesues te autoriteteve vendase dhe ato nderkombetare-

Sot, më 14 Korrik 2008, në mjediset e Hotel Tirana International, Avokati i Popullit dhe Qendra Shqiptare për Rehabilitimin e Traumes, me mbështetjen e Ambasades së Mbretërise së Danimarkës, Tiranë, organizuan Tryezën e Rrumbullakët me temë “Shqipëria dhe Protokolli Opsional për Parandalimin e Torturës”.

Në këtë akvitetet morën pjesë Avokati i Popullit, z. Ermir Dobjani, Ombudsmani i Danimarkes, z. Hans Gammeltoft Hansen, deputete, përfaqësues të trupit diplomatik të akredituar në Tiranë, përfaqësues nga OSBE dhe Këshilli i Evropës si dhe nga organizata të tjera vendase dhe të huaja, gazetarë dhe të pranishëm të tjerë.

Kjo veprimtari dyditore është menduar të ofrojë një mundësi konkrete diskutimi dhe shkëmbimi idesh mbi masat e mëtejshme që duhet të ndërmarrë Shqipëria në fushën e parandalimit të torturës dhe zbatimit në praktikë të OPCAT-it. Njesia per Parandalimin e Tortures funksionon tashme qe prej Janarit 2008 prane Insitucionit te Avokatit te Popullit, i cili me kete rast ka fituar edhe tagrin e Mekanizmit Kombetar per Parandalimin e Tortures.

Ne kuader te ketij aktiviteti, diten e Marte, me 15 Korrik 2008, Ombudsmani i Danimarkes do te pritet edhe nga Presidenti i Republikes, z. Bamir Topi dhe nga Kryetarja e Kuvendit, zj. Jozefina Topalli.

Në kuadër të angazhimit disavjeçar në fushën e parandalimit të torturës, si dhe të Projektit mbi zbatimin efektiv të Protokollit Opsional të Konventës kundër Torturës (OPCAT) në Shqipëri, Avokati i Popullit dhe QSHRT janë angazhuar drejtpërdrejtë për krijimin e Mekanizmit Kombëtar të Parandalimit, duke i dhënë një rëndësi të veçantë rolit të shoqërisë civile në këtë proces, nëpërmjet fuqizimit të njohurive dhe sensibilizimit të detyrimeve që qeveria dhe autoritetet shtetërore kanë ndaj instrumentave kombëtare dhe ndërkombëtare për përmirësimin e standardeve në sistemin penitenciar me fokus të veçantë në burgje, dhoma paraburgimi, spitale psikiatrike dhe ambjente te tjera te mbyllyra, ku mundesia e ushtrimit te vepres penale te tortures eshte edhe me e madhe.

Protokolli Plotësues i Konventës kundër Torturës (OPCAT) është një tjetër instrument ndërkombëtar me rëndësi për respektimin e të drejtave të njeriut nëpërmjet prezantimit të standardeve ndërkombëtare, të paraqitura nëpërmjet Konventës kundës Torturës (1984), e cila ka si qëllim të krijojë një sistem vizitash periodike të ndërmarra nga autoritete kombëtare dhe ndërkombëtare për të parandaluar torturën dhe çdo formë tjetër çnjerëzore dhe degraduese, nëpërmjet monitorimit të sistemeve të burgjeve në Shqipëri.

Hapja e vendeve të vuajtjes së dënimit ndaj mekanizmave të jashtëm të kontrollit, siç parashikohet në Protokoll, ofron në këtë mënyrë masa efektive për parandalimin e praktikave abusive dhe përmirësimit të kushteve të burgimit.

Duke marrë në konsideratë statusin aktual të Shqipërisë dhe detyrimet në kuadër së drejtës humanitare ndërkombëtare, rekomandimet për përmirësime të sistemit penitenciar të lëna nga CPT, nga institucioni i Avokatit të Popullit dhe shoqëria civile, sfidë kryesore mbetet organizimi dhe funksionimi efektiv i Mekanizmit Kombëtar të Parandalimit, krijuar mbi ndryshimet e propozuara në Ligjin nr. 9688, datë 10.03.2008 “Për të drejtat dhe trajtimin e të dënuarve me burgim”; në nenet 76/1 dhe 76/2.

Këto janë disa nga çështjet që do të merren në konsideratë në punimet e kësaj Tryeze të Rrumbullkatët. Rëndësia e angazhimit të shoqërisë civile dhe kontributi i saj konkret do të trajtohen gjerësisht në panel dhe do të paraqiten si përfundime/rekomandime për median nëpërmjet një konference për shtyp, qe do te organizohet me date 15 Korrik 2008, ora 13:00, ne ambientet e Hotel Rogner.

Zëdhënësi i Avokatit të Popullit